ട്രെയിന് യാത്രക്കാര്ക്ക് ഇന്ഷുറന്സ് പരിഗണനയിലെന്ന് റയില്വേ
തീവണ്ടിയാത്രയ്ക്കിടയില് അപകടങ്ങളും കവര്ച്ചയും പെരുകുന്നത് കണക്കിലെടുത്ത് യാത്രക്കാരെയും അവരുടെ വസ്തുവകകളും ഇന്ഷുര് ചെയ്യുന്ന കാര്യം റെയില്വേ പരിഗണിക്കുന്നു. നേരത്തേ ഇക്കാര്യത്തില് ചര്ച്ച നടന്നിരുന്നെങ്കിലും കാര്യങ്ങള് മുന്നോട്ട് പോയിരുന്നില്ല. എന്നാല് ഐ.ആര്.സി.ടി.സി. വഴി ഇത് നടപ്പാക്കാനാണ് ഇപ്പോള് റെയില്വേ ആലോചിക്കുന്നത്.
ഇ-ടിക്കറ്റെടുക്കുന്നവര്ക്കായിരിക്കും ഇന്ഷുറന്സ് ആദ്യ ഘട്ടത്തില് നടപ്പാക്കുകയെന്ന് മധ്യ റെയില്വേയിലെ ഒരു ഉന്നതോദ്യോഗസ്ഥന് വ്യക്തമാക്കി. യാത്ര ചെയ്യുന്ന ക്ലാസ്, ദൂരം എന്നിവ പരിഗണിച്ചായിരിക്കും യാത്രക്കാരില്നിന്ന് റെയില്വേ ഇന്ഷൂറന്സ് പ്രീമിയം തുക ഈടാക്കുക. ഇതിന്റെ അടിസ്ഥാനത്തിലാണ് നഷ്ടപരിഹാരവും തീരുമാനിക്കുക.
ഇന്ഷുറന്സ് വേണമോ എന്ന കാര്യത്തില് യാത്രക്കാരന് തീരുമാനമെടുക്കാം. ഇന്ഷുറന്സ് ഇല്ലാതെയും ഇന്ഷുറന്സോടു കൂടിയും ടിക്കറ്റെടുക്കാമെന്നര്ഥം. ഇടിക്കറ്റ് ബുക്കു ചെയ്യുമ്പോള്തന്നെ ആവശ്യമുള്ളവര്ക്ക് ഇന്ഷൂറന്സ് തുക കൂടി ടിക്കറ്റില് ഉള്പ്പെടുത്താം.
യാത്രക്കാര് കൂടെക്കരുതുന്ന ബാഗേജുകള്ക്കും പ്രത്യേക ഇന്ഷുറന്സ് ഉണ്ടാകും. ഇതെല്ലാം നേരത്തെ തീരുമാനിച്ച നിശ്ചിതതുകയായിരിക്കും എന്നുമാത്രം. സ്ലീപ്പര് ക്ലാസ്സില് യാത്ര ചെയ്യുന്ന ഒരാള്ക്ക് കുറഞ്ഞ പ്രീമിയവും കുറഞ്ഞ നഷ്ടപരിഹാരവുമായിരിക്കും. ഉയര്ന്ന ക്ലാസ്സിലെ യാത്രക്കാര്ക്ക് അതനുസരിച്ച് പ്രീമിയം തുകയും നഷ്ടപരിഹാരവും ഉയരും.
അപകട ഇന്ഷുറന്സില് അഞ്ചുലക്ഷം രൂപ (സ്ലീപ്പര് ക്ലാസ്സ്) മുതല് 15 ലക്ഷം രൂപ (ഫസ്റ്റ് ക്ലാസ്സ് എസി) വരെയാണ് നഷ്ടപരിഹാര തുകയായി കണക്കാക്കുന്നത്. ബാഗേജുകള്ക്ക് ഇത് 5,000 രൂപ മുതല് 20,000 രൂപ വരെയും. കൂടുതല് ചര്ച്ചകള്ക്ക് ശേഷമേ ഇക്കാര്യത്തില് അന്തിമതീരുമാനമാവുകയുള്ളൂ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
