പുണെ ഫിലിം ആന്‍ഡ് ടെലിവിഷന്‍ ഇന്‍സ്റ്റിറ്റിയൂട്ട് ഓഫ് ഇന്ത്യയില്‍ വിദ്യാര്‍ത്ഥികളെ അറസ്റ്റ് ചെയ്തതില്‍ പ്രതിഷേധിച്ച് രാഹുല്‍ രംഗത്തെത്തി. വിദ്യാര്‍ഥികളെ അറസ്റ്റ് ചെയ്ത സംഭവത്തില്‍ പ്രധാനമന്ത്രി നരേന്ദ്ര മോഡിയ്‌ക്കെതിരെ രാഹുല്‍ ട്വിറ്റ് കുറിക്കുകയും ചെയ്തു. വിദ്യാര്‍ഥികള്‍ ക്രിമിനലുകളല്ലെന്ന് രാഹുല്‍ വ്യക്തമാക്കി.

അച്ഛേ ദിന്‍ എന്നതിനു മോദിയുടെ മന്ത്രമാണ് നിശബ്ദത, പുറത്താക്കല്‍, അറസ്റ്റ് എന്നും രാഹുല്‍ ട്വിറ്ററില്‍ കുറിച്ചു. അഞ്ച് വിദ്യാര്‍ത്ഥികളെയാണ് അറസ്റ്റ് ചെയ്തതു. കലാപമുണ്ടാക്കിയെന്ന പേരിലാണ് വിദ്യാര്‍ഥികളെ അറസ്റ്റ് ചെയ്തത്. 15 പേര്‍ക്കെതിരൈയാണ് എഫ്‌ഐആര്‍ എടുത്തു.
ബിജെപി നേതാവും ടെലിവിഷന്‍ താരവുമായ ഗജേന്ദ്ര ചൗഹാനെ ഇന്‍സ്റ്റിറ്റിയൂട്ടിന്റെ ഡയറക്ടര്‍ സ്ഥാനത്തു നിയമിച്ചതിനെതിരെ കഴിഞ്ഞ 69 ദിവസമായി വിദ്യാര്‍ഥികള്‍ ഇവിടെ പ്രതിഷേധിച്ചു വരികയാണ്. ഇന്‍സ്റ്റിറ്റിയൂട്ടിന്റെ ഡയറക്ടര്‍ പ്രശാന്ത് പത്രബയുടെ പരാതിയിലാണ് അറസ്റ്റ്. തിങ്കള്‍ രാത്രി ഡയറക്ടറെ ക്യാംപസില്‍ വിദ്യാര്‍ഥികള്‍ തടഞ്ഞുവച്ചിരുന്നു. ക്യാംപസ് വിട്ട് പോകണമെന്ന് 2008 ബാച്ചിലെ വിദ്യാര്‍ഥികളോട് ആവശ്യപ്പെട്ടെങ്കിലും പ്രൊജക്ട് പൂര്‍ത്തിയാക്കാതെ പോവില്ലെന്ന് വിദ്യാര്‍ഥികള്‍ നിലപാടെടുത്തു.
തുടര്‍ന്നാണ് ഡയറക്ടറെ വിദ്യാര്‍ഥികള്‍ ഘരാവോ ചെയ്തത്. എഫ്‌ഐആറില്‍ മറ്റ് 25 30 വിദ്യാര്‍ഥികളുടെ പേരും ഉള്‍പ്പെടുത്തിയിട്ടുണ്ട്. എന്നാല്‍ അതില്‍ പല പേരുകളും തെറ്റായതിനാലാണ് അറസ്റ്റ് ചെയ്യാത്തതെന്ന് പൊലീസ് വ്യക്തമാക്കി. അതേസമയം, വിദ്യാര്‍ഥികളെ അറസ്റ്റ് ചെയ്തത് അംഗീകരിക്കാനാകില്ലെന്ന് എഫ്ടിഐഐ ആക്ടിങ് ഡീനും ഫാക്കല്‍റ്റി അംഗവുമായ സന്ദീപ് ചാറ്റര്‍ജി പറഞ്ഞു.

വിദ്യാര്‍ഥികള്‍ ഞങ്ങളുടെ ഉത്തരവാദിത്വമാണ്. ഭരണസംവിധാനത്തിലെ ആരും ഇവിടെയില്ലാത്തത് അത്ഭുതപ്പെടുത്തുന്നു. നടപടി ന്യായീകരിക്കാവുന്നതല്ല, സന്ദീപ് മാധ്യമങ്ങളോട് പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha