ഉപഹാര്‍ കേസില്‍ പ്രതികളെ പിഴ ചുമത്തി തടവുശിക്ഷയില്‍ നിന്ന് ഒഴിവാക്കിയ വിധിക്കെതിരെ സി.ബി.ഐയ്ക്ക് അപ്പീല്‍ നല്‍കാമെന്ന് സുപ്രീം കോടതി. കേസില്‍ കൂടുതല്‍ വാദത്തിന് സമയം ലഭിച്ചില്ലെന്നു കാണിച്ച് സി.ബി.ഐ സമര്‍പ്പിച്ച ഹര്‍ജി തള്ളിക്കൊണ്ടാണ് കോടതിയുടെ ഉത്തരവ്. ഉപഹാര്‍ തീവയ്പ് കേസില്‍ കൂടുതല്‍ വാദം നിരത്തുന്നതിന് സമയം അനുവദിക്കണമെന്ന് സി.ബി.ഐ ആവശ്യപ്പെട്ടു.

സി.ബി.ഐയുടെ വാദത്തിന് ഒന്നരമണിക്കൂര്‍ മാത്രമാണ് ലഭിച്ചതെന്നും ചൂണ്ടിക്കാട്ടിയിരുന്നു. കൂടുതല്‍ വാദത്തിന് അവസരം നിഷേധിച്ച കോടതി റിവ്യൂ അപേക്ഷ സമര്‍പ്പിക്കാന്‍ നിര്‍ദേശിക്കുകയായിരുന്നു. ഇതുപ്രകാരം സി.ബി.യുടെ ഇരകളുടെ ബന്ധുക്കളും റിവ്യൂ ഹര്‍ജി നല്‍കും. ഇന്നലെയാണ് കേസില്‍ കോടതി വിധി പറഞ്ഞത്. 1997ലാണ് രാജ്യത്തെ നടുക്കിയ ഉപഹാര്‍ തീയറ്റര്‍ ദുരന്തമുണ്ടായത്.

59 പേര്‍ മരിച്ച കേസില്‍ കെട്ടിട ഉടമകളായ സുഷീല്‍, ഗോപാല്‍ അന്‍സല്‍ സഹോദരന്മാരെ ജയില്‍ ശിക്ഷയില്‍ നിന്ന ഒഴിവാക്കിയ കോടതി 60 കോടി രൂപ പിഴ നല്‍കാനും നിര്‍ദേശിച്ചിരുന്നു. തീയറ്ററില്‍ അടിയന്തരസഹായം നേരിടാനുള്ള സംവിധാനം തടസ്സപ്പെടുത്തിയതായി കണ്ടെത്തിയിരുന്നു. തീയറ്ററില്‍ നിയമവിരുദ്ധമായി സ്ഥാപിച്ചിരുന്ന ട്രാന്‍സ്‌ഫോമറില്‍ നിന്നാണ് തീ പടര്‍ന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha