കേന്ദ്ര സര്ക്കാര് ഇറക്കുമതി തീരുവ വര്ധിപ്പിച്ചു... സ്വര്ണത്തിന്റെ വിപണി വിലയില് അഞ്ചു ശതമാനം വരെ വര്ധന ഉണ്ടാക്കും
കേന്ദ്ര സര്ക്കാര് ഇറക്കുമതി തീരുവ വര്ധിപ്പിച്ചത് സ്വര്ണത്തിന്റെ വിപണി വിലയില് അഞ്ചു ശതമാനം വരെ വര്ധന ഉണ്ടാക്കും. പുതുക്കിയ ഇറക്കുമതി തീരുവ അനുസരിച്ച് ഒരു കിലോ സ്വര്ണം ഇറക്കുമതി ചെയ്യുന്നതിനു രണ്ടര ലക്ഷം രൂപ വരെ അധികമായി വേണ്ടിവരും.
സ്വര്ണത്തിന്റെ ഇറക്കുമതി തീരുവ കുറയ്ക്കണമെന്നുള്ള വ്യാപാരികളുടെ ആവശ്യത്തിനു വിരുദ്ധമായാണു കേന്ദ്രസര്ക്കാരിന്റെ നടപടി. സ്വര്ണത്തിനു പുറമേ കയറ്റുമതി ചെയ്യുന്ന ഡീസല്, പെട്രോള്, വിമാന ഇന്ധനം എന്നിവയ്ക്കും കേന്ദ്രസര്ക്കാര് നികുതി വര്ധിപ്പിച്ചിട്ടുണ്ട്.
പെട്രോളിന് അഞ്ചു രൂപയും ഡീസലിന് 12 രൂപയും വിമാന ഇന്ധനത്തിന് ആറൂ രൂപയുമാണു വര്ധിപ്പിച്ചത്. ലോകത്തിലെ രണ്ടാമത്തെ വലിയ സ്വര്ണ ഉപഭോക്താക്കളായ ഇന്ത്യയുടെ സ്വര്ണ ഉപയോഗത്തിന്റെ ഭൂരിഭാഗവും ഇറക്കുമതി ചെയ്യുകയാണ്. മേയില് സ്വര്ണത്തിന്റെ ഇറക്കുമതി മുന് വര്ഷത്തേക്കാള് ഒന്പത് മടങ്ങാണ് വര്ധിച്ചത്.
"
https://www.facebook.com/Malayalivartha