വരുന്നു വീണ്ടും ഡാന്‍സ് ബാറുകള്‍. മഹാരാഷ്ട്രയില്‍ ഡാന്‍സ് ബാറുകള്‍ക്ക് ഏര്‍പ്പെടുത്തിയ നിരോധനം സുപ്രീം കോടതി മരവിപ്പിച്ചു. അതേസമയം, സ്ത്രീകളുടെ അന്തസ് ഉയര്‍ത്തിപ്പിടിക്കണമെന്നും സംസ്ഥാന പൊലീസ് ഇക്കാര്യം ശ്രദ്ധിക്കണമെന്നും സുപ്രീം കോടതി നിര്‍ദേശിച്ചിട്ടുണ്ട്. 2014ലാണ് ഡാന്‍സ് ബാറുകള്‍ നിരോധിച്ച് മഹാരാഷ്ട്ര നിയമസഭയില്‍ നിയമം പാസാക്കിയത്. അസഭ്യതയില്ലെന്നു ഉറപ്പുവരുത്താന്‍ സര്‍ക്കാരിന് അവകാശമുണ്ടെന്നാണ് സംസ്ഥാനം വാദിച്ചത്. കേസ് അടുത്തമാസം അ!ഞ്ചിനു വീണ്ടും പരിഗണിക്കും.
വേശ്യാവൃത്തിയെ പ്രേരിപ്പിക്കുന്ന സ്ഥലങ്ങളാണിവയെന്നാണ് മഹരാഷ്ട്രാ സര്‍ക്കാര്‍ നിലപാട്. വിഷയത്തില്‍ എല്ലാ രാഷ്ട്രീയപ്പാര്‍ട്ടികള്‍ക്കും സമാന നിലപാടാണുള്ളത്. 2014ല്‍ ഡാന്‍സ് ബാറുകള്‍ നിരോധിച്ച നിയമസഭാ തീരുമാനം ഏകകണ്ഠമായാണ് എടുത്തത്. 2005ലും നിരോധനം ഏര്‍പ്പെടുത്തിയിരുന്നു. എന്നാല്‍ ചില ഫൈവ് സ്റ്റാര്‍ ഹോട്ടലുകളിലെ നൃത്ത പരിപാടികളെ അന്ന് ഒഴിവാക്കിയിരുന്നു. ഇതിനെതിരെ സമര്‍പ്പിച്ച ഹര്‍ജിയെ തുടര്‍ന്ന് 2013ല്‍ ഡാന്‍സ് ബാറുകള്‍ തുറന്നു പ്രവര്‍ത്തിക്കാന്‍ സുപ്രീം കോടതി അനുമതി നല്‍കി. ഇതേത്തുടര്‍ന്ന് 2014ല്‍ മഹാരാഷ്ട്ര നിയമസഭ ഡാന്‍സ് ബാറുകളെ നിരോധിച്ചു നിയമം പാസാക്കുകയായിരുന്നു.
അതേസമയം, ഇതു ഇടക്കാല നിര്‍ദേശമാണ്. നിര്‍ദേശം നിലനില്‍ക്കും വിധിപ്രസ്താവം വായിച്ച ശേഷം കൂടുതല്‍ പ്രതികരിക്കാമെന്നും മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് അറിയിച്ചു. നിരോധനത്തെയാണ് സര്‍ക്കാര്‍ പിന്തുണയ്ക്കുന്നതെന്നും ആവശ്യം സുപ്രീം കോടതിയെ അറിയിക്കുമെന്നും ഫഡ്‌നാവിസ് പിന്നീട് ട്വിറ്ററില്‍ അറിയിച്ചു.
റസ്‌റ്റൊറന്റ് ഉടമകളാണ് സംസ്ഥാന സര്‍ക്കാര്‍ പാസാക്കിയ നിയമത്തെ എതിര്‍ത്ത് കോടതിയിലെത്തിയത്. കോടതി തങ്ങളുടെ ആവശ്യം അംഗീകരിച്ചെന്നും അസഭ്യതയുണ്ടാകരുതെന്നാണ് ആവശ്യപ്പെട്ടതെന്നും ഹര്‍ജിക്കാരുടെ അഭിഭാഷകന്‍ പ്രസെന്‍ജിത് കേശ്‌വാനി പറഞ്ഞു. സമാനമായ നിയമം നേരത്തെയും സുപ്രീംകോടതി റദ്ദാക്കിയതായിരുന്നുവെന്നു വിധി പ്രസ്താവിച്ച ദീപക്ക് മിശ്ര, പ്രഫുല്ല സി. പന്ത് എന്നീ ജഡ്ജിമാരുടെ ബെഞ്ച് അറിയിച്ചു. 2009ലെ നിയമവും ഭരണഘടനാവിരുദ്ധമെന്നു കാട്ടി സുപ്രീംകോടതി തള്ളിയിരുന്നു. ഇതേത്തുടര്‍ന്നാണ് 2014ല്‍ സംസ്ഥാന സര്‍ക്കാര്‍ പുതിയ നിയമം കൊണ്ടുവന്നത്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha