കേരളത്തില് ലൈറ്റ് മെട്രോ പദ്ധതി നടപ്പാക്കുന്നതില് കേന്ദ്ര സര്ക്കാരിന് തുറന്ന മനസാണുള്ളതെന്ന് വെങ്കയ്യ നായിഡു
ലൈറ്റ് മെട്രോ പദ്ധതിയുമായി ബന്ധപ്പെട്ട് കേന്ദ്രസര്ക്കാരിനു തുറന്ന മനസാണെന്നു നഗരവികസന മന്ത്രി വെങ്കയ്യ നായിഡു. കോഴിക്കോടും തിരുവനന്തപുരത്തുമുള്ള ലൈറ്റ് മെട്രോ പദ്ധതികള് സംബന്ധിച്ച് മുഖ്യമന്ത്രി ഉമ്മന് ചാണ്ടിയുമായി നടത്തിയ ചര്ച്ചയ്ക്കു ശേഷമാണ് വെങ്കയ്യ നായിഡു ഇക്കാര്യം വ്യക്തമാക്കിയത്.
ലൈറ്റ് മെട്രോ പദ്ധതിയെക്കുറിച്ചുള്ള വിശദമായ റിപ്പോര്ട്ട് കേരളം നല്കിയാല് ഉടന് തീരുമാനമെടുക്കുമെന്നും അദ്ദേഹം പറഞ്ഞു. ലൈറ്റ് മെട്രോ പദ്ധതി സംബന്ധിച്ച് പുതിയ റിപ്പോര്ട്ട് ഏഴുദിവസത്തിനുള്ളില് സമര്പ്പിക്കുമെന്നു മുഖ്യമന്ത്രി ഉമ്മന് ചാണ്ടി പറഞ്ഞു. പൊതുമരാമത്ത് മന്ത്രി വി. കെ. ഇബ്രാഹിം കുഞ്ഞ്, കൊച്ചി മെട്രോ റെയില് മുഖ്യ ഉപദേഷ്ടാവ് ഇ. ശ്രീധരന് എന്നിവരോടൊപ്പമാണ് മുഖ്യമന്ത്രി കേന്ദ്രമന്ത്രിയെ കണ്ടെത്.
പദ്ധതി ചെലവിന്റെ 20 ശതമാനം വീതം കേന്ദ്രവും സംസ്ഥാനവും വഹിക്കും. ബാക്കി 60 ശതമാനം പണം കടമെടുക്കാനുമാണ് തീരുമാനം. ലൈറ്റ് മെട്രോ പദ്ധതിയുമായി ബന്ധപ്പെട്ട് സംസ്ഥാന സര്ക്കാര് കേന്ദ്രസര്ക്കാരിനു കത്ത് നല്കിയിരുന്നു. എന്നാല് കത്തില് ഡിഎംആര്സിക്കു കണ്സള്ട്ടന്സി നല്കുന്ന വിഷയം ഇല്ലെന്നും പ്രാഥമിക ജോലികളുടെ കണ്സള്ട്ടന്സി കരാര് നല്കുന്നത് അട്ടിമറി നീക്കമാണെന്നും ആരോപണം ഉയര്ന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
