ഇന്ത്യയില് ജീവിക്കണമെങ്കില് മുസ്ലീങ്ങള് ബീഫ് കഴിക്കുന്നത് ഉപേക്ഷിക്കണമെന്ന് ഹരിയാന മുഖ്യമന്ത്രി മനോഹര് ലാല്
മുസ്ലീംകള് ഈ രാജ്യത്ത് ജീവിക്കണമെങ്കില് ബീഫ് കഴിക്കുന്നത് ഉപേക്ഷിക്കണമെന്ന് ഹരിയാന മുഖ്യമന്ത്രി മനോഹര് ലാല് ഖട്ടര്. ദാദ്രി സംഭവം തെറ്റാണെന്നും അത് തെറ്റിദ്ധാരണയുടെ പേരില് സംഭവിച്ചുപോയതാണെന്നും അതില് ഇരുവിഭാഗത്തിനും തെറ്റുപറ്റിയിട്ടുണ്ടെന്നും പറഞ്ഞ ഖട്ടര്, മുസ്ലീംകള് ബീഫ് കഴിക്കുന്നത് നിര്ത്തണം. കാരണം പശു ഇവിടെ ജീവിക്കുന്ന ഭൂരിപക്ഷ വിഭാഗത്തിന്റെ വിശ്വാസത്തിന്റെ ഭാഗമാണെന്നും അദ്ദേഹം പറഞ്ഞു.
പശുവും ഗീതയും സരസ്വതിയും ഭൂരിപക്ഷത്തിന്റെ വിശ്വാസത്തിന്റെ ഭാഗമാണ്. ബീഫ് ഉപേക്ഷിച്ച് അവരുടെ മതവിശ്വാസം വ്രണപ്പെടുത്താതിരിക്കുകയാണ് മുസ്ലീംകള് ചെയ്യേണ്ടതെന്നും ഖട്ടാര് പറഞ്ഞു. ഹരിയാനയില് ബി.ജെ.പി സര്ക്കാര് ഒരു വര്ഷം പൂര്ത്തിയാക്കുന്ന വേളയില് \'ദ ഇന്ത്യന് എക്സ്പ്രസിനു നല്കിയ അഭിമുഖത്തിലാണ് ഖട്ടാര് വിവാദ പരാമര്ശം നടത്തിയത്. ദാദ്രി സംഭവത്തിലും ഇത് രാജ്യത്ത് വര്ഗീയ ധ്രുവീകരണത്തിന് ഇടയാക്കുമോ എന്നതിലും പ്രതികരണം തേടുകയായിരുന്നു ദേശീയ ദിനപത്രം.
ജനാധിപത്യത്തില് സ്വാതന്ത്ര്യങ്ങളുണ്ട്. എന്നാല് ആ സ്വാതന്ത്ര്യങ്ങള്ക്ക് പരിമിതികളുമുണ്ട്. മറ്റുള്ളവരുടെ സ്വാതന്ത്ര്യങ്ങള് ഹനിക്കാന് പാടില്ലെന്നും ഖട്ടര് പറഞ്ഞു. നാല് പതിറ്റാണ്ടിലേറെയായി ആര്.എസ്.എസിന്റെ ആജ്ഞാനുവര്ത്തിയായി പ്രവര്ത്തിക്കുന്ന ആളാണ് ഖട്ടര്. ആര്.എസ്.എസിന്റെ ആശീര്വാദത്തോടെയാണ് ഹരിയാനയില് അധികാരമേറ്റെടുത്തത്. ഗോവധവും മാട്ടിറച്ചി വില്പ്പനയും നിയമം മൂലം നിരോധിച്ച സംസ്ഥാനമാണ് ഹരിയാന. നിയമം ലംഘിച്ചാല് 10 വര്ഷം ജയില്ശിക്ഷയും ബീഫ് കഴിഞ്ഞാല് അഞ്ചു വര്ഷവുമാണ് ശിക്ഷ.
ദാദ്രി സംഭവത്തെ തെറ്റിദ്ധാരണയുടെ പേരില് നടന്നതാണെന്ന് നിസാരവത്കരിച്ച ഖട്ടര്, കൊല്ലപ്പെട്ടയാള് പശുവിനെ കുറിച്ച് നടത്തിയ മോശം പരാമര്ശം ചിലരുടെ വികാരത്തെ വ്രണപ്പെടുത്തിയെന്നും അതാണ് ആക്രമണത്തിലേക്ക് നയിച്ചതെന്നും പറഞ്ഞൊഴിഞ്ഞു. മുസ്ലീംകള്ക്ക് ബീഫ് കഴിക്കാതിരിക്കാന് കഴിയില്ലേ? മുസ്ലീംകള് ബീഫ് കഴിക്കണമെന്ന് എവിടെയെങ്കിലും എഴുതുവച്ചിട്ടുണ്ടോ? ക്രിസ്ത്യാനികളും ബീഫ് കഴിക്കണമെന്ന് എവിടെയെങ്കിലും എഴുതിവച്ചിട്ടുണ്ടോയെന്നും ഖട്ടര് ആരാഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
