ഉത്തരേന്ത്യയെ വിറപ്പിച്ച് ശക്തമായ ഭൂചലനം. റിക്ടര്‍ സ്‌കെയിലില്‍ 7.5 രേഖപ്പെടുത്തിയ ഭൂചലനമാണുണ്ടായത്. ഡല്‍ഹി ഉള്‍പ്പെടെയുള്ള ഉത്തരേന്ത്യന്‍ സംസ്ഥാനങ്ങളിലാണ് ഭൂചലനം അനുഭവപ്പെട്ടത്. ഉച്ചയ്ക്ക് 2.43നു ശേഷമുണ്ടായ ഭൂചലനത്തിന്റെ പ്രകമ്പനം ഒരു മിനിറ്റിലേറെ നീണ്ടുനിന്നു. അഫ്ഗാനിസ്ഥാനിലെ ഹിന്ദുകുഷാണ് ഭൂകമ്പത്തിന്റെ പ്രഭവ കേന്ദ്രം.
ഭൂചലനത്തെ തുടര്‍ന്ന് ഡല്‍ഹി മെട്രോ സര്‍വീസ് നിര്‍ത്തിവച്ചു. ഉയരമുള്ള കെട്ടിടങ്ങളില്‍ നിന്നും ആളുകള്‍ പരിഭ്രാന്തരായി പുറത്തിറങ്ങി. ഡല്‍ഹി സെക്രട്ടറിയേറ്റില്‍ നിന്നും ആളുകളെ ഒഴിപ്പിച്ചു. ജമ്മുകാഷ്മീര്‍, ഹിമാചല്‍പ്രദേശ്, ഉത്തരാഖണ്ഡ്, ഹരിയാന അടക്കമുള്ള സംസ്ഥാനങ്ങളിലും പാക്കിസ്ഥാനിലും ഭൂചലനം അനുഭവപ്പെട്ടു. എന്നാല്‍ ഇവിടങ്ങളില്‍ നാശനഷ്ടങ്ങളൊന്നും ഇതുവരെ റിപ്പോര്‍ട്ട് ചെയ്തിട്ടില്ല. ജമ്മുകശ്മീരില്‍ വാര്‍ത്താ വിനിമയ, വൈദ്യുതി ബന്ധങ്ങള്‍ താറുമാറായി.

പഞ്ചാബ്, ഹിമാചല്‍ പ്രദേശ്, ഹരിയാന എന്നീ മേഖലകളില്‍ അഞ്ചു മിനിറ്റോളം ഭൂചലനം നീണ്ടുനിന്നു. ഈ മേഖലകളില്‍ 7.7 തീവ്രതയിലാണ് ഭൂചലനം ഉണ്ടായിരിക്കുന്നത്. ഷിംല, ശ്രീനഗര്‍, ചാണ്ഡീഗഡ്, ഭോപ്പാല്‍ എന്നിവടങ്ങളിലും പ്രകമ്പനം അനുഭവപ്പെട്ടു.

കേരളത്തിലെ കൊച്ചിയിലും പ്രകമ്പനം അനുഭവപ്പെട്ടിട്ടുണ്ട്. ഇന്ത്യയെ കൂടാതെ പാകിസ്താനില്‍ റിക്ടര്‍ സ്‌കെയിലില്‍ 7.7 തീവ്രതയിലുള്ള ഭൂചലനത്തില്‍ 17 പേര്‍ മരിച്ചു. പെഷാവറില്‍ കെട്ടിടങ്ങള്‍ തകര്‍ന്ന് 50 പേര്‍ക്ക് പരിക്കേറ്റു. പരിഭാന്ത്രരായ ജനങ്ങള്‍ വീടുകളിലും കച്ചവട സ്ഥാപനങ്ങളില്‍ നിന്നും തിരത്തിലേക്ക് ഇറങ്ങിയോടി. കെട്ടിടങ്ങളില്‍ കഴിയുന്നവരെ ഒഴിപ്പിച്ചു വരികയാണ്. ഭൂചലനം ഒരു മിനിറ്റോളം നീണ്ടുനിന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha