കര്‍ണാടകയില്‍ നിന്നുള്ള ഒരു പ്രണയകഥയാണ് ഹിറ്റ്. അനന്തരാജുവിന്റെയും ബെല്‍ജിയത്തില്‍ നിന്നുള്ള കാമിലിന്റെയും വിവാഹം നടന്നു. കഴിഞ്ഞ ദിവസമാണ് ഹംപിയിലെ വിരൂപാക്ഷ ക്ഷേത്രത്തില്‍ ഹിന്ദു ആചാരപ്രകാരം ഇരുവരും വിവാഹിതരായത് . 30 കാരനായ അനന്തരാജു ഓട്ടോ ഓടിക്കുകയാണ് ഒപ്പം ടൂറിസ്റ്റ് ഗൈഡായി ജോലി ചെയ്യുകയും ചെയ്യുന്നു. സോഷ്യല്‍ മീഡിയയിലൂടെയാണ് 27 കാരിയായ കാമിലിയുമായി ഇയാള്‍ പ്രണയത്തിലായത്.

2019ലാണ് അനന്തരാജു കാമിലിയെ നേരില്‍ കാണുന്നത്. കുടുംബത്തോടൊപ്പം ഹംപി സന്ദര്‍ശിക്കാന്‍ എത്തിയതായിരുന്നു കാമില്‍ . അന്ന് അനന്തരാജുവാണ് അവര്‍ക്ക് ഗൈഡായത് . അനന്തരാജുവിന്റെ സത്യസന്ധതയും ആതിഥ്യമര്യാദയും കുടുംബത്തെ ആഴത്തില്‍ ആകര്‍ഷിച്ചു. നാട്ടിലേക്ക് മടങ്ങിയ ശേഷവും, കാമിലി അനന്തരാജുമായി സോഷ്യല്‍ മീഡിയ വഴി ബന്ധപ്പെടുകയും സംസാരിക്കുകയും ചെയ്തു. അതിനിടയില്‍ ഇരുവരും പരസ്പരം ഇഷ്ടപ്പെട്ടു തുടങ്ങി. എന്നാല്‍ കൊറോണ ബാധയെത്തുടര്‍ന്ന് ഇരുവര്‍ക്കും കണ്ടുമുട്ടാനായില്ല

കുറച്ച്‌ മാസങ്ങള്‍ക്ക് ശേഷം, ഇരുവരും തങ്ങളുടെ പ്രണയത്തെക്കുറിച്ച്‌ കുടുംബങ്ങളോട് പറഞ്ഞു. രണ്ട് വീട്ടുകാര്‍ക്കും എതിര്‍പ്പില്ലായിരുന്നു. ഇന്ത്യയെ ഏറെ ഇഷ്ടപ്പെടുന്ന കാമിലിയ്‌ക്ക് ഹിന്ദു ആചാരപ്രകാരം വിവാഹം നടത്തണമെന്നായിരുന്നു ആഗ്രഹം. ഇരുവരുടെയും ബന്ധുക്കളുടെ സാന്നിദ്ധ്യത്തിലായിരുന്നു വിവാഹം.