കോണ്‍ഗ്രസിന് ആശ്വാസം.... ഹിമാചലല്‍ പ്രദേശില്‍ കോണ്‍ഗ്രസിന്റെ ലീഡ് കേവല ഭൂരിപക്ഷം കടന്നു... ബിജെപി ശക്തികേന്ദ്രങ്ങളില്‍ കോണ്‍ഗ്രസിന് ലീഡ്
ഹിമാചലല്‍ പ്രദേശില്‍ കോണ്‍ഗ്രസിന്റെ ലീഡ് കേവല ഭൂരിപക്ഷം കടന്നു. നിലവില്‍ 38 സീറ്റില്‍ കോണ്‍ഗ്രസും 27 സീറ്റില്‍ ബിജെപിയുമാണ് മുന്നില്‍. നാല് സീറ്റില്‍ സ്വതന്ത്ര സ്ഥാനാര്‍ഥികള്‍ക്കാണ് ലീഡ്.
ഒടുവിലെ സൂചനകള്‍ പ്രകാരം, 38 സീറ്റുകളിലാണ് കോണ്‍ഗ്രസ് ലീഡ് ചെയ്യുന്നത്. 26 ഇടത്തുമാത്രമാണ് ബി.ജെ.പിക്ക് ലീഡുള്ളത്.68 നിയമസഭാ മണ്ഡലങ്ങളുള്ള ഹിമാചലില്‍ കേവലഭൂരിപക്ഷത്തിന് ആവശ്യം 35 ഇടത്തെ വിജയമാണ്.
ഈ ലീഡ് നിലതുടരാനായാല്‍ ഹിമാചലില്‍ കോണ്‍ഗ്രസ് അധികാരത്തില്‍ തിരിച്ചെത്തിയേക്കാം. ബി.ജെ.പിയും കോണ്‍ഗ്രസും ഇഞ്ചോടിഞ്ച് പോരാട്ടം നടത്തുമ്പോള്‍ അദ്ഭുതങ്ങള്‍ സൃഷ്ടിക്കുമെന്ന അവകാശവാദം ഉന്നയിച്ചെത്തിയ അത് സാധ്യമായില്ലെന്നാണ് ഈ ഘട്ടത്തില്‍ പുറത്തെത്തുന്ന വിവരം.
എക്സിറ്റ് പോളുകള്‍ ശരിവയ്ക്കുന്ന ഫലസൂചനകളാണ് വോട്ടെണ്ണലിന്റെ ആദ്യമണിക്കൂറുകള്‍ മുതല്‍ ഹിമാചലില്‍ കണ്ടത്. ബിജെപിയും കോണ്‍ഗ്രസും മാറി മാറി ലീഡ് പിടിക്കുന്നത് കോണ്‍ഗ്രസ് നേതൃത്വത്തിന്റെ നെഞ്ചിടിപ്പ് കൂട്ടിയിരുന്നു.
1985 മുതലുള്ള കണക്കെടുത്താല്‍ ഒരു തവണ ബി.ജെ.പി.യെ അധികാരത്തിലെത്തിച്ചാല്‍ അടുത്തതവണ കോണ്‍ഗ്രസിനെയാണ് ഹിമാചല്‍ തിരഞ്ഞെടുത്തുകൊണ്ടിരുന്നത്. ഇത്തവണയും ഇതേ രീതിയാകും ജനങ്ങള്‍ സ്വീകരിക്കുക എന്ന ആത്മവിശ്വാസത്തിലാണ് കോണ്‍ഗ്രസുള്ളത്. ഭരണവിരുദ്ധ വികാരം, ഓള്‍ഡ് പെന്‍ഷന്‍ സ്‌കീമും ന്യൂ പെന്‍ഷന്‍ സ്‌കീമും ഉയര്‍ത്തുന്ന വെല്ലുവിളികള്‍ തുടങ്ങിയവ വോട്ടായി പെട്ടിയില്‍ എത്തുമെന്നാണ് കോണ്‍ഗ്രസ് പ്രതീക്ഷ.
https://www.facebook.com/Malayalivartha
