കന്നഡ പുരോഗമന സാഹിത്യക്കാരന്‍ എം.എം. കല്‍ബുര്‍ഗി കൊല്ലപ്പെട്ട കേസ് സംസ്ഥാന സര്‍ക്കാര്‍ സി. ബി. ഐക്ക് കൈമാറിയേക്കും. മൂന്ന് മാസമായിട്ടും പ്രതികളെ കുറിച്ച് വിവരം ലഭിക്കാത്ത സാഹചര്യത്തിലാണിത്. നിലവില്‍ സംസ്ഥാന സി. ഐ. ഡിയാണ് കേസ് അന്വേഷിക്കുന്നത്. കേന്ദ്ര സര്‍ക്കാറിന്റെ കീഴിലുള്ള ഏജന്‍സിക്ക് അന്വേഷണം കൈമാറുന്നതിന് പുരോഗമന വാദികള്‍ എതിര്‍ത്തിരുന്നു. സമാനാമായ രീതിയില്‍ മഹാരാഷ്ട്രയില്‍ കൊല്ലപ്പെട്ട നരേന്ദ്ര ധബോല്‍ക്കര്‍, ഗോവിന്ദ പന്‍സാരെ എന്നിവരുടെ ബന്ധുക്കളും അന്വേഷണം സി. ബി. ഐക്ക് വിടുന്നതിന് എതിരായിരുന്നു. 

തീവ്ര ഹിന്ദു സംഘടനകളുടെ ഭീഷണിയുണ്ടായിരുന്ന കല്‍ബുര്‍ഗിയുടെ വധത്തിന് പിന്നില്‍ ഒരേ ശക്തികളാണെന്ന വാദമാണ് പുരോഗമന വാദികള്‍ ഉയര്‍ത്തുന്നത്. ഇത് ശരിവെച്ചാണ് മുഖ്യമന്ത്രി സിദ്ധരാമയ്യയും അന്വേഷണം സംസ്ഥാന ഏജന്‍സി നടത്തുമെന്ന് പ്രഖ്യാപിച്ചത്. പന്‍സാരെ, ധബോല്‍ക്കര്‍ എന്നിവരുടെ കൊപാതകവുമായി കല്‍ബുര്‍ഗി വധവുമായി സാമ്യമുണ്ടെന്നാണ് സി.ഐ.ഡി സംസ്ഥാന ആഭ്യന്തര വകുപ്പിന് സമര്‍പ്പിച്ച റിപ്പോര്‍ട്ടില്‍ വ്യക്തമാക്കിയിരുന്നു. എന്നാല്‍ സാമ്യമില്ലെന്നാണ് കേന്ദ്ര ആഭ്യന്തര വകുപ്പിന്റെ നിലപാട്. 

കൊലക്ക് പിന്നില്‍ പ്രവര്‍ത്തിച്ചവര്‍ മറ്റ് സംസ്ഥാനങ്ങളില്‍ നിന്നുള്ളവരുണെന്നാണ് അന്വേഷണ സംഘത്തിന്റെ വിലയിരുത്തല്‍. ഈ സാഹചര്യത്തില്‍ സംസ്ഥാന ഏജന്‍സി അന്വേഷിക്കുന്നതില്‍ പ്രതിസന്ധികളുണ്ട്. സംസ്ഥാന പോലീസ് കാര്യക്ഷമമായ അന്വേഷണമാണ് നടത്തുന്നതെന്നും എന്നാല്‍ ഒന്നില്‍ കൂടുതല്‍ സംസ്ഥാനങ്ങളില്‍ സ്വാധീനമുള്ള ശക്തികള്‍ക്കെതിരെ അന്വേഷണം നടത്തുന്നതിന് തടസ്സങ്ങളുണ്ടെന്നും ഉന്നത ഉദ്യോഗസ്ഥന്‍ പറഞ്ഞു. മഹാരാഷ്ട്ര കേന്ദ്രീകരിച്ച് പ്രവര്‍ത്തിക്കുന്ന തിവ്ര ഹിന്ദു സംഘടനയായ സനാതന്‍ സന്‍സ്ത എന്ന സംഘടനയെ കേന്ദ്രീകരിച്ചാണ് അന്വേഷണം നടക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha