ആര്‍.ശങ്കര്‍ പ്രതിമ അനാഛാദനത്തില്‍ മുഖ്യമന്ത്രി ഉമ്മന്‍ചാണ്ടിയെ ഒഴിവാക്കിയത് വിവാദമായരിക്കുമ്പോള്‍ കേരള സന്ദര്‍ശനത്തെ സൂചിപ്പിച്ചുകൊണ്ട് മോഡിയുടെ ട്വീറ്റ്. കേരളത്തില്‍ താന്‍ പങ്കെടുക്കുന്ന എല്ലാ പരിപാടികളെ കുറിച്ചും ട്വീറ്റില്‍ മോഡി പരാമര്‍ശിക്കുന്നുണ്ട്. എന്നാല്‍ പ്രതിമാ അനാഛാദന പരിപാടിയില്‍ നിന്നും മുഖ്യമന്ത്രി ഉമ്മന്‍ചാണ്ടിയെ ഒഴിവാക്കിയതിനെ കുറിച്ച് യാതൊരു പരാമര്‍ശവും ടീറ്റില്‍ ഇല്ലെന്നുള്ളതും ശ്രദ്ധേയമാണ്.

ദൈവത്തിന്റെ സ്വന്തം നാടായ മനോഹരമായ കേരളത്തിലേക്കുള്ള യാത്രയെ താന്‍ പ്രതീക്ഷയോടെ കാണുന്നുവെന്നും രണ്ടുദിവസം കേരളത്തിലുണ്ടാകുമെന്നും മോഡി ട്വീറ്റില്‍ പറയുന്നു. ഐ.എന്‍.എസ് വിക്രമാദിത്യയില്‍ നടക്കുന്ന സായുധസേന മേധാവികളുടേയും ഉന്നത ഉദ്യോഗസ്ഥരുടേയും യോഗത്തില്‍ പങ്കെടുക്കുന്നതിനെ കുറിച്ചും ആര്‍.ശങ്കറിന്റെ പ്രതിമാ അനാഛാദനത്തെ കുറിച്ചും പ്രത്യേകം ട്വീറ്റുകള്‍ കുറിച്ച മോഡി എസ്.എന്‍.ഡി.പി.യെ പുകഴ്ത്താനും മറന്നിട്ടില്ല.

പാര്‍ശ്വവല്‍ക്കരിക്കപ്പെട്ട സമൂഹത്തിന് വേണ്ടി എസ്.എന്‍.ഡി.പി നടത്തുന്നപ്രവര്‍ത്തനങ്ങള്‍ അസാധാരണമാണെന്ന് കുറിച്ച മോഡി ശ്രീനാരയണ ഗുരുവിനെ കുറിച്ചും ട്വീറ്റില്‍ പ്രസ്താവിക്കുന്നുണ്ട്. ശിവഗിരിയില്‍ ശ്രീനാരയണഗുരുവിന് പ്രണാമം അര്‍പ്പിക്കുമെന്നും വിദ്യാഭ്യാസരംഗത്തും സമൂഹ്യമുന്നേറ്റത്തിലും ഗുരു നല്‍കിയ സംഭാവനകള്‍ മറക്കാന്‍ ആര്‍ക്കാണ് കഴിയുക എന്നും മോഡി ട്വീറ്റില്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha