മോദിയുടെ കോലം കത്തിക്കവേ കോണ്ഗ്രസ് പ്രവര്ത്തകര് തീയില്പെട്ടു
ഹിമാചല് പ്രദേശിലെ ഷിംലയില് പ്രധാനമന്ത്രി നരേന്ദ്രമോദിയുടെ കോലം കത്തിക്കുന്നതിനിടെ കോണ്ഗ്രസ് പ്രവര്ത്തകര്ക്ക് പൊള്ളലേറ്റു.
കോലത്തില് നേരത്തെ തന്നെ പെട്രോളൊഴിച്ചതോര്ക്കാതെ ആവേശം പൂണ്ട പ്രവര്ത്തകന് തീപ്പെട്ടിക്കൊള്ളി കത്തിച്ചതോടെയാണ് സംഗതി തീക്കളിയായത്. തുടര്ന്ന് പ്രതിഷേധസമരം പ്രതിസന്ധിയിലായി. തീ കെടുത്തിയതിനു ശേഷം സമരം പുനരാരംഭിക്കുകയായിരുന്നു.
കുറച്ച് പ്രവര്ത്തകരുടെ വസ്ത്രങ്ങള്ക്ക് തീപിടിക്കുകയായിരുന്നെന്നാണ് കോണ്ഗ്രസിന്റെ വിശദീകരണം. രണ്ട് പേര്ക്ക് നേരിയ പൊള്ളലേറ്റു.
ഇതില് മനോജ് അധികാരി എന്നയാളെ ആശുപത്രിയിലെത്തിച്ചെങ്കിലും അപകടനില തരണം ചെയ്തതായാണ് വിവരം. സംസ്ഥാന കോണ്ഗ്രസ് അദ്ധ്യക്ഷന് സുഖ്വീന്ദര് സിംഗ് സുഖുവിന്റെ നേതൃത്വത്തിലായിരുന്നു പ്രതിഷേധം.
എന്.ഡി.എ സര്ക്കാറിന്റെ കുടിപ്പകയ്ക്കെതിരെയായിരുന്നു പ്രതിഷേധം സംഘടിപ്പിച്ചത്. കോണ്ഗ്രസ് വിമുക്ത ഭാരതം എന്ന വിദ്വേഷമുണര്ത്തുന്ന മുദ്രാവാക്യവുമായാണ് കോണ്ഗ്രസിനെതിരെയും പ്രവര്ത്തകര്ക്കെതിരെയും സര്ക്കാര് നീക്കം നടത്തുന്നതെന്നും അദ്ദേഹം ആരോപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
