മോദിയുടെ കേരളയാത്ര വിവാദം ദേശിയതലത്തില് കൊഴുക്കുന്നു, ബി.ജെ.പി ഇതര മുഖ്യമന്ത്രിമാരെ മോദി അപമാനിക്കുന്നുവെന്ന് കോണ്ഗ്രസ്
മോദിയുടെ കേരളയാത്ര വിവാദം ദേശിയതലത്തില് ചര്ച്ച ചെയ്യപ്പെടുന്നു. നരേന്ദ്ര മോദി പങ്കെടുക്കുന്ന ആര്.ശങ്കര് പ്രതിമ അനാച്ഛാദന ചടങ്ങില് നിന്ന് മുഖ്യമന്ത്രി ഉമ്മന് ചാണ്ടിയെ ഒഴിവാക്കിയ വിവാദം ദേശിയതലത്തില് ബി.ജെ.പി സര്ക്കാരിനെതിരെ ആയുധമാക്കി കോണ്ഗ്രസ്. ബി.ജെ.പി ഇതര മുഖ്യമന്ത്രിമാരെ മോദി നിരന്തരം അപമാനിയ്ക്കുന്നതായി കോണ്ഗ്രസിന്റെ ആരോപണം. കോണ്ഗ്രസ് മുഖ്യമന്ത്രിമാരെ അപമാനിയ്ക്കുകയും കോണ്ഗ്രസ് സര്ക്കാരുകളെ അസ്ഥിരപ്പെടുത്താന് ശ്രമിയ്ക്കുകയുമാണ് മോദി സര്ക്കാര് ചെയ്യുന്നതെന്ന് മുതിര്ന്ന കോണ്ഗ്രസ് നേതാവ് ആനന്ദ് ശര്മ്മ ആരോപിച്ചു.പ്രധാനമന്ത്രി നരേന്ദ്ര മോദി പങ്കെടുക്കുന്ന ആര്.ശങ്കര് പ്രതിമ അനാച്ഛാദന ചടങ്ങില് നിന്ന് മുഖ്യമന്ത്രി ഉമ്മന് ചാണ്ടിയെ ഒഴിവാക്കിയ സംഭവത്തിന്റെ പശ്ചാത്തലത്തിലാണ് ആനന്ദ് ശര്മ്മയുടെ വിമര്ശനം.
ഉമ്മന്ചാണ്ടിയ്ക്ക് മാത്രമല്ല മറ്റ് കോണ്ഗ്രസ് മുഖ്യമന്ത്രിമാര്ക്കും കോണ്ഗ്രസ്, ബി.ജെ.പി ഇതര മുഖ്യമന്ത്രിമാര്ക്കും പ്രധാനമന്ത്രിയില് നിന്ന് ഇതേ അനുഭവമുണ്ടായെന്ന് ആനന്ദ ശര്മ്മ പറഞ്ഞു. സെപ്റ്റംബറില് ജര്മ്മന് ചാന്സലര് ആഞ്ജല മെര്ക്കലിന്റെ ഇന്ത്യ സന്ദര്ശനത്തോട് അനുബന്ധിച്ച് ബംഗളുരുവില് നടന്ന ഇന്തോ ജര്മ്മന് കോണ്ക്ലേവിലേയ്ക്ക് കര്ണാടക മുഖ്യമന്ത്രി സിദ്ധരായ്യയെ ക്ഷണിച്ചിരുന്നില്ല. ഡല്ഹി ഫരീദാബാദ് മെട്രോയുമായി ബന്ധപ്പെട്ട ചടങ്ങിലേയ്ക്ക് മുഖ്യമന്ത്രി അരവിന്ദ് കേജ്രിവാളിനേയും ക്ഷണിച്ചിരുന്നില്ല. കോണ്ഗ്രസും മറ്റ് ബി.ജെ.പി ഇതര പാര്ട്ടികളും ഭരിയ്ക്കുന്ന സംസ്ഥാനങ്ങളില് ഗവര്ണര്മാരേയും ആര്.എസ്.എസ് അനുകൂലികളേയും ഉപയോഗിച്ച് ഭരണം തടസപ്പെടുത്താന് ശ്രമിയ്ക്കുന്നുണ്ട്. സ്ഥലത്തുണ്ടാവാത്തതിനാല് പരിപാടിയില് പങ്കെടുക്കാന് കഴിയില്ലെന്ന് കാണിച്ച് മുഖ്യമന്ത്രി ഉമ്മന്ചാണ്ടി അയച്ചുവെന്ന പേരില് ബി.ജെ.പി പ്രചരിപ്പിക്കുന്ന കത്ത് പ്രധാനമന്ത്രിയുടെ ഓഫീസില് തന്നെ തയ്യാറാക്കിയതാണെന്നും ആന്ദ് ശര്മ്മ ആരോപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
