ഡീസല് വാഹനങ്ങള്ക്ക് വിലക്ക്: ഡല്ഹിയും കേന്ദ്രവും നിലപാടറിയിയ്ക്കണമെന്ന് ഹരിത ട്രൈബ്യൂണല്
ഡല്ഹിയില് പുതിയ ഡീസല് വാഹനങ്ങളുടെ രജിസ്ട്രേഷന് അനുമതി നല്കുന്നത് തടയുന്ന ട്രൈബ്യൂണലിന്റേയും സര്ക്കാര് തീരുമാനത്തിനെതിരെ കാര് കമ്പനികള് നല്കിയ ഹര്ജിയില് നിലപാടറിയിയ്ക്കാന് കേന്ദ്രസര്ക്കാരിനോടും ഡല്ഹി സര്ക്കാരിനോടും ദേശീയ ഹരിത ട്രൈബ്യൂണല് ആവശ്യപ്പെട്ടു. നാളെ തന്നെ നിലപാടറിയിയ്ക്കാനാണ് ആവശ്യപ്പെട്ടിരിയ്ക്കുന്നത്. ഹരിത ട്രൈബ്യൂണല് ചെയര്പേഴ്സണ് ജസ്റ്റിസ് സ്വതന്തര്കുമാര് അദ്ധ്യക്ഷനായ ബഞ്ചാണ് ഹര്ജി പരിഗണിയ്ക്കുന്നത്.
കേന്ദ്ര ഉപരിതല ഗതാഗത മന്ത്രാലയം, പരിസ്ഥിതി മന്ത്രാലയം, ഡല്ഹി സര്ക്കാര് എന്നിവര്ക്കാണ് െ്രെടബ്യൂണല് നോട്ടീസ് അയച്ചത്. മുതിര്ന്ന അഭിഭാഷക പിനാകി മിശ്രയാണ് കാര് നിര്മ്മാതാക്കള്ക്ക് വേണ്ടി ഹാജരാകുന്നത്. പുതിയ ഡീസല് വാഹനങ്ങളുടെ രജിസ്ട്രേഷന് തടഞ്ഞുകൊണ്ടുള്ള ട്രൈബ്യൂണല് ഉത്തരവ് നിര്ദ്ദയവും അപ്രായോഗികവുമാണെന്ന് പിനാകി മിശ്ര അഭിപ്രായപ്പെട്ടു. ബാക്കിയുള്ള സ്റ്റോക്കുകള് വിറ്റഴിയ്ക്കാന് സഹായിക്കും വിധം ട്രൈബ്യൂണല് ഉത്തരവ് ഭേദഗദതി ചെയ്യണമെന്ന് പിനാകി മിശ്ര ആവശ്യപ്പെട്ടു.
അതേ സമയം ഇത് സുപ്രീം കോടതിയുടെ പരിഗണനയിലായതിനാല് നിര്ദ്ദേശം നല്കാന് ബുദ്ധിമുട്ടുണ്ടെന്ന് ട്രൈബ്യൂണല് അറിയിച്ചു. സ്വകാര്യ വാഹനങ്ങള് ഉപയോഗിയ്ക്കാത്തവര്ക്ക് ആനുകൂല്യം നല്കുന്ന കാര്യത്തിലും നിലപാടറിയിയ്ക്കാന് ട്രൈബ്യൂണല് ആവശ്യപ്പെട്ടിട്ടുണ്ട്. മലിനീകരണ തോത് കുറയ്ക്കുന്നതിനായി ഡീസല് വാഹനങ്ങളെ ഒഴിവാക്കാനുള്ള ഡല്ഹി സര്ക്കാരിന്റെ നീക്കത്തില് യാതൊരു അപാകതയും കാണുന്നില്ല. സര്ക്കാരാണ് ഇക്കാര്യത്തില് അന്തിമതീരുമാനമെടുക്കേണ്ടത്. വിവിധ സര്ക്കാര് വകുപ്പുകള്ക്കും തദ്ദേശ സ്ഥാപനങ്ങള്ക്കും ഡീസല് വാഹനങ്ങള് ഒഴിവാക്കാന് ട്രൈബ്യൂണല് നിര്ദ്ദേശം നല്കിയിരുന്നു. പത്ത് വര്ഷത്തിലധികം പഴക്കമുള്ള വാഹനങ്ങളുടെ പെര്മിറ്റ് പുതുക്കി നല്കരുതെന്നും ട്രൈബ്യൂണല് നിര്ദ്ദേശിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
