ജനദ്രോഹ നടപടികളുമായി വീണ്ടും കേന്ദ്ര സര്‍ക്കാര്‍. ക്രൂഡ് ഓയിലിന്റെ വിലയില്‍ മുന്‍ വര്‍ഷത്തെക്കാള്‍ കാര്യമായ കുറവ് ഉണ്ടായിട്ടും അതിന്റെ ഗുണം ജനങ്ങള്‍ക്ക് ലഭിക്കാത്ത തരത്തില്‍ പെട്രോളിന്റെയും ഡീസലിന്റെയും എക്‌സൈസ് തീരുവ വര്‍ധിപ്പിച്ച് കേന്ദ്രസര്‍ക്കാര്‍ . അന്താരാഷ്ട്ര വിപണിയില്‍ അസംസ്‌കൃത എണ്ണ വില കുറഞ്ഞതിന്റെ ആനുകൂല്യം മുതലാക്കാനാണ് എക്‌സൈസ് നികുതി കൂട്ടിയത്. പെട്രോള്‍ ലിറ്ററിന് 30 പൈസയും ഡീസല്‍ ലിറ്ററിന് 1.17 രൂപയുമാണ് വര്‍ധിപ്പിച്ചത്.

നികുതി കൂട്ടുന്നതിലൂടെ ഈ സാമ്പത്തിക വര്‍ഷത്തിനുള്ളില്‍ 25000 കോടി രൂപയുടെ അധികവരുമാനമാണ് സര്‍ക്കാര്‍ ലക്ഷ്യമിടുന്നതെന്ന് കേന്ദ്ര ധനമന്ത്രി അരുണ്‍ ജെയ്റ്റ്‌ലി പറഞ്ഞു. കേന്ദ്ര, സംസ്ഥാന സര്‍ക്കാറുകള്‍ക്കും എണ്ണ കമ്പനികള്‍ക്കും ഇതിന്റെ ഗുണം ലഭിക്കും. രാജ്യാന്തര വിപണിയിലെ മാറ്റമനുസരിച്ച് എണ്ണവിലയില്‍ കുറവു വരുത്താറുണ്ട്. വികസന ആവശ്യങ്ങള്‍ക്ക് പണം കണ്ടെത്താനാണ് വര്‍ധനയെന്നും അദ്ദേഹം കൂട്ടിച്ചേര്‍ത്തു. അന്താരാഷ്ട്ര വിപണിയില്‍ അസംസ്‌കൃത എണ്ണ വില കുറഞ്ഞതിന്റെ അടസ്ഥാനത്തില്‍ എണ്ണവില കുറയ്ക്കാത്തത് സര്‍ക്കാര്‍ സ്വകാര്യ എണ്ണ കമ്പനികളെ സഹായിക്കാനാണെന്നാണ്പ്രതിപക്ഷം ആരോപിക്കുന്നത്. അതേസമയം എക്‌സൈസ് തീരുവ കൂട്ടിയതില്‍ പ്രതിഷേധിച്ച് പ്രതിപക്ഷം രാജ്യസഭയില്‍ നിന്ന് ഇറങ്ങിപ്പോയി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha