എയര് ഇന്ത്യ ഗ്രൗണ്ട് സ്റ്റാഫ് വിമാന എന്ജിനില്പ്പെട്ട് ദാരുണാന്ത്യം
17 DECEMBER 2015 09:57 AM IST
മലയാളി വാര്ത്ത.
മുംബൈ വിമാത്താവളത്തില് വിമാന എന്ജിനില്പ്പെട്ട് എയര് ഇന്ത്യ ഗ്രൗണ്ട് സ്റ്റാഫ് മരിച്ചു. രവി സുബ്രഹ്മണ്യന് എന്ന ജീവനക്കാരനാണ് മരിച്ചത്. ഹൈദരാബാദിലേക്ക് പോകാനിരുന്ന എ.ഐ 619 വിമാനത്തിന്റെ എന്ജിനിലാണ് ജീവനക്കാര് കുടുങ്ങിയത്. രാത്രി 8.40 നായിരുന്നു അപകടം. ജീവനക്കാരന് തല്ക്ഷണം മരിച്ചു. വിമാനത്തിന്റെ കോ പൈലറ്റ് അബദ്ധത്തില് എന്ജിന് പ്രവര്ത്തിപ്പിച്ചതാണ് അപകടത്തിന് ഇടയാക്കിയത്. എന്ജിന് തൊട്ടടുത്ത് നില്ക്കുകയായിരുന്നു രവി സുബ്രഹ്മണ്യന്. വിമാനം പുറപ്പെടുന്നതിന് മിനിട്ടുകള്ക്ക് മുമ്പാണ് അപകടം നടന്നത്.
വിമാന എന്ജിന് നിര്ത്തിയശേഷമാണ് ഗ്രൗണ്ട് സ്റ്റാഫ് അറ്റകുറ്റപ്പണികള് നടത്തുക. അന്വേഷണം നടത്തുമെന്ന് എയര് ഇന്ത്യ അധികൃതര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
