ആത്മീയമായ സമീപനങ്ങള് ആരോഗ്യമുള്ള കുഞ്ഞുങ്ങളുടെ ജനനത്തിന് സഹായിക്കും... ഗര്ഭിണികളായ സ്ത്രീകള് രാമായണവും സുന്ദരകാണ്ഡവും വായിക്കുന്നത് നല്ലതാണെന്ന് തെലങ്കാന ഗവര്ണര്
ആത്മീയമായ സമീപനങ്ങള് ആരോഗ്യമുള്ള കുഞ്ഞുങ്ങളുടെ ജനനത്തിന് സഹായിക്കുമെന്നും ഗര്ഭിണികളായ സ്ത്രീകള് രാമായണവും സുന്ദരകാണ്ഡവും വായിക്കുന്നത് നല്ലതാണെന്നും തെലങ്കാന ഗവര്ണര് തമിഴിസൈ സൗന്ദരരാജന്. അര് എസ് എസ് അനുകൂല സംഘടനകള് ഗര്ഭിണികള്ക്കായി നടത്തിയ 'ഗര്ഭ സംസ്കാര്' എന്ന പരിപാടി ഉദ്ഘാടനം ചെയ്ത് സംസാരിക്കെയായിരുന്നു ഗവര്ണരുടെ പരമാര്ശം. തമിഴിസൈ സൗന്ദരരാജന് ഒരു ഗൈനക്കോളജിസ്റ്റ് കൂടിയാണ്. സുന്ദരകാണ്ഡം ജപിക്കുകയും രാമായണം പോലുള്ള ഇതിഹാസങ്ങള് വായിക്കുകയും ചെയ്താല് കുട്ടികള്ക്ക് മാനസികാരോഗ്യവും ശാരീരികാരോഗ്യവും കൈവരുമെന്നാണ് തമിഴിസൈ പറഞ്ഞത്. ഇന്നലെയാണ് 'ഗര്ഭ സംസ്കാര്' പരിപാടി നടന്നത്.
'ഗ്രാമപ്രദേശിങ്ങളില് ഗര്ഭിണികള് രാമായണവും മഹാഭാരതവുമുള്പ്പടെയുള്ള മഹദ്ഗ്രസ്ഥങ്ങള് വായിക്കാറുണ്ട്. പ്രത്യേകിച്ച് തമിഴ്നാട്ടിലെ സ്ത്രീകള്. അവര് കമ്പരാമായണത്തിലെ സുന്ദരകാണ്ഡം വായിച്ചിരിക്കണം എന്നൊരു വിശ്വാസം പിന്തുടരുന്നുണ്ട്. അത് ജനിക്കാനിരിക്കുന്ന കുഞ്ഞുങ്ങളുടെ ശാരീരികവും മാനസികവുമായ ആരോഗ്യത്തിന് വളരെ നല്ലതാണ്.' ഗവര്ണര് പറഞ്ഞു.
ഇത്തരത്തിലുള്ള ആത്മീയമായ സമീപനങ്ങള് ആരോഗ്യമുള്ള കുഞ്ഞുങ്ങളുടെ ജനനത്തിന് സഹായിക്കുമെന്നും ഗവര്ണര് അറിയിച്ചു. കൂടാതെ ഗര്ഭാവസ്ഥയില് യോഗ പരിശീലിക്കുന്നത് അമ്മയുടെയും കുഞ്ഞിന്റെയും ശാരീരികവും മാനസികവുമായ ക്ഷേമത്തിന് നല്ലതാണെന്നും സുഹപ്രസവത്തിന് ഇത് സഹായിക്കുമെന്നും തമിഴിസൈ അഭിപ്രായപ്പെടുന്നു.
https://www.facebook.com/Malayalivartha
