വടക്കേയിന്ത്യൻ സംസ്ഥാനങ്ങളിൽ ഭൂചലനമുണ്ടായിരിക്കുകയാണ് എന്ന അതിപ്രധാന വിവരമാണ് പുറത്ത് വരുന്നത് . ജമ്മു കശ്മീരിലും വടക്കേന്ത്യൻ സംസ്ഥാനങ്ങളായ ദില്ലി, ഹരിയാന, പഞ്ചാബ്, എന്നിവിടങ്ങളിലും ഭൂചലനം ഉണ്ടായി . റിക്ടർ സ്കെയിലിൽ 5.2 രേഖപ്പെടുത്തിയതായുള്ള റിപ്പോർട്ട് പുറത്ത് വന്നിരിക്കുകയാണ് . ഇത് വരെ നാശനഷ്ടങ്ങൾ ഉണ്ടായിട്ടില്ല .

കശ്മീരിൽ ആണ് 5.2 രേഖപ്പെടുത്തിയിരിക്കുന്നത്. മലപ്പുറം നഗരസഭാ പരിധിയിലെ വിവിധ ഇടങ്ങളിൽ തിങ്കളാഴ്ച രാത്രി നേരിയ ഭൂചലനം ഉണ്ടായി . രാത്രി 8.10ഓടെ കോട്ടപ്പടി, കുന്നുമ്മൽ, കൈനോട്, കാവുങ്ങൽ, വലിയങ്ങാടി, ഇത്തിൾപറമ്പ്, വാറങ്കോട്, താമരക്കുഴി, മേൽമുറി തുടങ്ങിയ ഇടങ്ങളിൽ നേരിയ ഭൂചലനം ഉണ്ടായതായി നാട്ടുക്കാർ വ്യക്തമാക്കി. ഭൂചലനം നേരിട്ടവർ , അയൽവാസികൾക്കും മറ്റു സമീപപ്രദേശങ്ങളിലേക്കും വിവരം കൈമാറി.

അപ്പോഴായിരുന്നു വിവിധ ഇടങ്ങളിൽ സമാന അനുഭവം ഉണ്ടായ കാര്യം എല്ലാവർക്കും മനസിലായത്. അസാധാരണ ശബ്ദവും വിറയലും ഉണ്ടായതായാണ് പ്രദേശ വാസികൾ പറയുന്നത്. എന്നാൽ മറ്റു കാര്യമായ പ്രശ്‌നങ്ങളൊന്നും ഉണ്ടായിട്ടില്ല. പേടിക്കാനില്ലെന്ന് റവന്യു വകുപ്പ് അധികൃതർ വ്യക്തമാക്കി.