കേന്ദ്ര ഏജന്സികളെ ഉപയോഗിച്ചുള്ള മോദി സര്ക്കാറിന്റെ വിരട്ടല് രാഷ്ട്രീയത്തിനെതിരെ രൂക്ഷ വിമര്ശനവുമായി കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ
കേന്ദ്ര ഏജന്സികളെ ഉപയോഗിച്ചുള്ള മോദി സര്ക്കാറിന്റെ വിരട്ടല് രാഷ്ട്രീയത്തിനെതിരെ രൂക്ഷ വിമര്ശനവുമായി കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ.
തമിഴ്നാട് മന്ത്രി സെന്തില് ബാലാജിയെ ഇ.ഡി അറസ്റ്റ് ചെയ്തതിനോട് പ്രതികരിക്കവെയാണ് കേന്ദ്രത്തെ വിമര്ശിച്ചത്. എതിര്ക്കുന്നവരോട് മോദി സര്ക്കാര് രാഷ്ട്രീയ പീഡനവും പകപോക്കലും കാണിക്കുകയാണെന്ന് ഖാര്ഗെ കുറ്റപ്പെടുത്തി. ഇത്തരം ധിക്കാരപരമായ നടപടികള് കൊണ്ട് പ്രതിപക്ഷത്തുള്ള ആരും ഭയപ്പെടില്ലെന്നും വ്യക്തമാക്കി ഖാര്ഗെ.
2011-15 കാലയളവില് ജയലളിത സര്ക്കാരില് ഗതാഗത മന്ത്രിയായിരുന്നപ്പോള് മെട്രോ ട്രാന്സ്?പോര്ട്ട് കോര്പറേഷന് നിയമനങ്ങള്ക്ക് കോഴ വാങ്ങിയെന്ന കേസിലാണ് ബാലാജിയെ ഇ.ഡി അറസ്റ്റ് ചെയ്തത്.
17 മണിക്കൂര് നീണ്ട ചോദ്യം ചെയ്യലിന് ശേഷം ഇന്ന് പുലര്ച്ചെയാണ് ബാലാജിയുടെ അറസ്റ്റ് രേഖപ്പെടുത്തിയത്. ഇന്നലെ രാവിലെ മന്ത്രിയുടെ ഔദ്യോഗിക വസതിയിലും സെക്രട്ടേറിയറ്റിലെ ഓഫിസിലും സഹോദരന്റെ വീട്ടിലും അടക്കം 12 കേന്ദ്രങ്ങളില് ഇ.ഡി റെയ്ഡ് നടത്തിയിരുന്നു.
https://www.facebook.com/Malayalivartha
