ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവലിനെ കുറിച്ച് നിർണായകമായ ചില പരാമർശങ്ങൾ നടത്തി രംഗത്ത് വന്നിരിക്കുകയാണ് ഇന്ത്യയിലെ യുഎസ് സ്ഥാനപതി എറിക് ഗാർസെറ്റി. അജിത് ഡോവൽ ഇന്ത്യയുടെ മാത്രമല്ല, ലോകത്തിന്റെ തന്നെ സ്വത്താണ് എന്നാണ് അദ്ദേഹം പറഞ്ഞിരിക്കുന്നത്.

ഉത്തരാഖണ്ഡിലെ ഒരു ഗ്രാമീണ പശ്ചാത്തലത്തിൽനിന്നു വന്ന് ഇന്ത്യയുടെ സുരക്ഷാ ഉപദേഷ്ടാവായി മാറിയ അദ്ദേഹത്തിന്റെ വളർച്ചയുടെ കൂടെ അടിസ്ഥാനത്തിലാണ് അദ്ദേഹം ലോകത്തിന്റെ തന്നെ സ്വത്താണെന്ന് പറഞ്ഞിരിക്കുന്നത് .

മാത്രമല്ല ഇന്ത്യയും യുഎസും തമ്മിലുള്ള ബന്ധത്തിൽ ഗാർസെറ്റി വളരെ നല്ല മതിപ്പുണ്ടെന്നും പറയുകയുണ്ടായി. ഇന്ത്യയും യുഎസും തമ്മിലുള്ള ബന്ധത്തിന്റെ ആഴം നോക്കിയാൽ ,അതു വളരെ ശക്തമാണെന്നു മനസ്സിലാക്കാൻ സാധിക്കുമെന്ന് അദ്ദേഹം പറഞ്ഞു. ഇന്ത്യക്കാർക്ക് അമേരിക്കൻ ജനതയെ ഇഷ്ടമാണ്. അമേരിക്കൻ ജനതയ്ക്ക് ഇന്ത്യക്കാരെയും ഇഷ്ടമാണ്.

ലോകത്തിന്റെ ശ്രദ്ധ നേടിയ നേട്ടമാണ് , ‘ഡിജിറ്റൽ പേയ്മെന്റ്സ്, ഫിനാൻഷ്യൽ ടെക്നോളജി എന്നീ രംഗങ്ങളിൽ ഇന്ത്യ കൈവരിച്ച നേട്ടം. ഇന്ത്യയിലെ ഗ്രാമത്തിൽ ജീവിക്കുന്ന ചായ വിൽപനക്കാരനു സർക്കാർ നൽകുന്ന പണം പൂർണമായും അവരുടെ ഫോണിലേക്ക് സ്വീകരിക്കാൻ സാധിക്കുന്നുവെന്നും അദ്ദേഹം ചൂണ്ടിക്കാണിച്ചു.

ഇടയ്ക്ക് വിവിധ മതനേതാക്കളുമായിഅദ്ദേഹം കൂടിക്കാഴ്ച നടത്തിയിരുന്നു. അവരിൽ ഒരാൾ നടത്തിയ രസകരമായ പരാർമശവും എറിക് ഗാർസെറ്റി സംസാരമധ്യേ പറയുകയുണ്ടായി . : ‘‘4ജി, 5ജി, 6ജി എന്നിങ്ങനെയുള്ള ചർച്ചകൾ കേൾക്കുന്നുണ്ട്.പക്ഷേ, ഇന്ത്യയിൽ ഞങ്ങൾക്ക് അതിനേക്കാൾ കരുത്തുറ്റ ഒന്നുണ്ട് – ഗുരുജി’ – എന്നാണ് അദ്ദേഹം കേട്ടത് . ഇത്തരത്തിലുള്ള നിർണായകമായ കാര്യങ്ങളാണ് പറഞ്ഞിരിക്കുന്നത്.