അഴിമതി ആരോപണങ്ങളുമായി ബി.ജെ.പിയും ആം ആദ്മി പാര്‍ട്ടിയും നേര്‍ക്ക്‌നേര്‍ പോരാടുന്നു. ഡല്‍ഹി ക്രിക്കറ്റ് അസോസിയേഷന്‍ അഴിമതിയുമായി ബന്ധപ്പെട്ട് കേന്ദ്ര ധനമന്ത്രി അരുണ്‍ ജയ്റ്റ്‌ലിയ്‌ക്കെതിരെ ആക്രമണം ശക്തമാക്കിക്കൊണ്ട് ആം ആദ്മി പാര്‍ട്ടി. മുഖ്യമന്ത്രി അരവിന്ദ് കേജ്‌രിവാളിന്റെ ഓഫീസില്‍ സി.ബി.ഐ നടത്തിയ റെയ്ഡ് ജയ്റ്റ്‌ലിയുടെ താല്‍പര്യപ്രകാരം ഡി.ഡി.സി.എയുമായി ബന്ധപ്പെട്ട രേഖകള്‍ക്കാണെന്നാണ് കേജ്‌രിവാളും എ.എ.പിയും ആരോപിയ്ക്കുന്നത്. 1999നും 2015നും ഇടയ്ക്ക് വ്യാജകമ്പനികളുണ്ടാക്കി പണം തട്ടിയ കേസാണിതെന്ന് എ.എ.പി നേതാവ് കുമാര്‍ വിശ്വാസ് പറഞ്ഞു. കേന്ദ്ര ധനമന്ത്രി അരുണ്‍ ജയ്റ്റ്‌ലിയുടെ അഴിമതിയുടെ രേഖകള്‍ നശിപ്പിക്കാനുള്ള തന്ത്രത്തിന്റെ ഭാഗമായുള്ള നാടകമായിരുന്നു റെയ്‌ഡെന്ന് ആം ആദ്മി പാര്‍ട്ടി ആരോപിക്കുന്നത്.

ആന്റി കറപ്ഷന്‍ ബ്യൂറോയുമായി ബന്ധപ്പെട്ട് വിഷയം ഉയര്‍ത്താന്‍ ശ്രമിച്ചപ്പോള്‍ ആ രേഖകള്‍ തന്നെ കടത്തിക്കൊണ്ടു പോവാനാണ് കേന്ദ്രസര്‍ക്കാര്‍ ശ്രിമിച്ചതെന്ന് കുമാര്‍ വിശ്വാസ് ആരോപിച്ചു. മുഖ്യമന്ത്രിയുടെ ഡയറി പോലും സി.ബി.ഐ കൊണ്ടുപോയതായി വിശ്വാസ് പറഞ്ഞു. മാദ്ധ്യമങ്ങളിലൂടെ കാര്യം ജനങ്ങളറിഞ്ഞത് കൊണ്ടാണ് രേഖകള്‍ മുഴുവന്‍ കൊണ്ടുപോയി നശിപ്പിയ്ക്കാന്‍ കഴിയാഞ്ഞതെന്നും വിശ്വാസ് പറഞ്ഞു. അഴിമതിക്കാരനായ ഉദ്യോഗസ്ഥനെ സംരക്ഷിയ്ക്കാന്‍ ശ്രമിയ്ക്കുന്ന കേജ്‌രിവാളും പാര്‍ട്ടിയും ജനങ്ങളില്‍ നിന്ന് ഒറ്റപ്പെട്ടിരിയ്ക്കുകയാണെന്നും രവിശങ്കര്‍ പ്രസാദ് പറഞ്ഞു. 2000 മുതല്‍ 2013 വരെ ഡല്‍ഹി ആന്റ് ഡിസ്ട്രിക്ട് ക്രിക്കറ്റ് അസോസിയേഷന്‍ (ഡി.ഡി.സി.എ) പ്രസിഡന്റായിരുന്നു അരുണ്‍ ജയ്റ്റ്‌ലി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha