നിര്‍ഭയ കൂട്ടമാനഭംഗക്കേസിലെ പ്രായപൂര്‍ത്തിയാവാത്ത പ്രതിയെ കുട്ടിക്കുറ്റവാളിയായി കണക്കാക്കരുതെന്നു ബിജെപി എംപി ഹേമാ മാലിനി. കേസിലെ പ്രതികളില്‍ പെണ്‍കുട്ടിയോട് ഏറ്റവും കൂടുതല്‍ ക്രൂരത കാട്ടിയത് കുട്ടിക്കുറ്റവാളിയായിരുന്നു.

ഇയാള്‍ ക്രമിനില്‍ മനസുള്ളയാളും ക്രൂരനുമാണെന്ന് ഹേമാ മാലിനി പറഞ്ഞു. ഇയാളെ കേസിലെ കൂട്ടുപ്രതികളെപ്പോലെതന്നെ പരിഗണിക്കണമെന്നും ഹേമാ മാലിനി അഭിപ്രായപ്പെട്ടു.

മൂന്നു വര്‍ഷങ്ങള്‍ക്കുമുമ്പ് ഡിസംബര്‍ 16 നാണ് രാജ്യത്തെ നടുക്കിയ നിര്‍ഭയ കൂട്ടമാനഭംഗം നടന്നത്. തെക്കന്‍ ഡല്‍ഹിയില്‍ 23 വയസുള്ള വിദ്യാര്‍ഥിനിയാണു പീഡനത്തിനിരയായത്. ഓടുന്ന ബസില്‍ ആറു പേര്‍ ചേര്‍ന്നാണു വിദ്യാര്‍ഥിനിയെ ക്രൂര പീഡനത്തിന് ഇരയാക്കിയത്.

ഒപ്പമുണ്ടായിരുന്ന സുഹൃത്തിനെ മര്‍ദിച്ച ശേഷമായിരുന്നു പീഡനം. പിന്നീട് പ്രതികള്‍ പെണ്‍കുട്ടിയെ വഴിയരികില്‍ ഉപേക്ഷിച്ചു. ഗുരുതര പരിക്കുകളോടെ ആശുപത്രിയില്‍ പ്രവേശിപ്പിക്കപ്പെട്ട പെണ്‍കുട്ടി 13 ദിവസത്തിനു ശേഷം മരണത്തിനു കീഴടങ്ങി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha