കർണ്ണാടകയിൽ മുഖ്യമന്ത്രി സിദ്ധരാമയ്യയും ഡികെ ശിവകുമാറും തമ്മിൽ വാക്ക് പോര് എന്ന് വിശേഷിപ്പിക്കാവുന്ന തരത്തിലുള്ള ഒരു സംഭവം നടന്നിരിക്കുകയാണ്. 2017-ൽ സിദ്ധരാമയ്യ മുഖ്യമന്ത്രിയായിരുന്ന സമയം ഒരു സ്റ്റീൽ ഫ്ലൈ ഓവർ നിർമ്മിക്കുന്നതുമായി ബന്ധപ്പെട്ട വിവാദം ഉണ്ടായി അത് ചൂണ്ടിക്കാട്ടി പരിഹസിച്ചിരിക്കുകയാണ്‌ ഡികെ ശിവകുമാർ. താനായിരുന്നെങ്കിൽ ഭീഷണിക്ക് വഴങ്ങാതെ അത് മറികടന്നും പദ്ധതി നടപ്പാക്കിയേനെ എന്നാണ് ഡികെ ശിവകുമാർ പറ‍ഞ്ഞിരിക്കുന്നത് . മുഖ്യമന്ത്രി സിദ്ധരാമയ്യയ്ക്കെതിരെ ഒളിയമ്പ് എയ്തിരിക്കുകയാണ് ഡി കെ എന്ന് വിശേഷിപ്പിക്കാവുന്നതാണ്.

ബെംഗളുരു വിമാനത്താവളത്തിലേക്ക് ഉള്ള ഗതാഗതക്കുരുക്കിന് പരിഹാരം കണ്ടെത്തുക എന്ന ലക്ഷ്യത്തോടെ ബസവേശ്വര സർക്കിൾ മുതൽ ഹെബ്ബാൾ ജംഗ്ഷൻ വരെ 1761 കോടി രൂപ ചെലവിൽ സ്റ്റീൽ ഫ്ലൈ ഓവർ നിർമിക്കാനായിരുന്നു പദ്ധതി. പക്ഷേ സ്ഥലത്തെ മരങ്ങൾ മുറിക്കുന്നതിന് എതിരെ പരിസ്ഥിതി വാദികൾ രംഗത്ത് വന്നു. പദ്ധതിയിൽ അഴിമതി ആരോപിച്ച് സംഘടനകളും രംഗത്ത് വന്നു.

ഇതോടെ സിദ്ധരാമയ്യ പദ്ധതി ഉപേക്ഷിക്കുക എന്ന തീരുമാനത്തിലേക്ക് നയിക്ക്പ്പെടുകയായിരുന്നു. ഡികെ ഈ തീരുമാനത്തെയാണ് പരിഹസിച്ചിരിക്കുന്നത് . താനായിരുന്നെങ്കിൽ ഭീഷണിക്ക് വഴങ്ങുമായിരുന്നില്ലെന്നും ഭീഷണി മറികടന്നും പദ്ധതി നടപ്പാക്കിയേനെ എന്നും ഡികെ ശിവകുമാർ വ്യക്തമാക്കിയിരിക്കുകയാണ്. നമുക്കറിയാം മുഖ്യമന്ത്രി സ്ഥാനത്തിനായി ഇരുവർക്കുമിടയിൽ വമ്പൻ തർക്കങ്ങൾ ശക്തമായിരുന്നു.