ആദ്യം നാടന് പിന്നീട് വിദേശി, ബിഹാര് സര്ക്കാര് ഒറ്റയടിയ്ക്ക് മദ്യം നിരോധിക്കില്ല
സമ്പൂര്ണ മദ്യനിരോധനത്തിന്റെ ആദ്യപടിയായി ബിഹാര് സര്ക്കാര് ആദ്യം നാടന് മദ്യം നിരോധിക്കും. 2016 ഏപ്രില് ഒന്നിന് നിരോധനം നിലവില്വരും.തൊട്ടുപിന്നാലെ ഇന്ത്യന് നിര്മിത വിദേശമദ്യവും (ഐ.എം.എഫ്.എല്.) നിരോധിക്കും. ഇത് 2016 സപ്തംബറില് നടപ്പാക്കുമെന്ന് എക്സൈസ് മന്ത്രി അബ്ദുള് ജലീല് മസ്താന് പറഞ്ഞു. ഏപ്രില് ഒന്നുമുതല് എല്ലാതരം മദ്യവും നിരോധിക്കും എന്നാണ് സര്ക്കാര് ആദ്യം പ്രഖ്യാപിച്ചത്.
എന്നാല്, പടിപടിയായേ നടപ്പാക്കൂ എന്നാണ് ഇപ്പോള് പറയുന്നത്. അടുത്ത സാമ്പത്തികവര്ഷം മുതല് നടപ്പാക്കുന്ന പുതിയ മദ്യനയം അനുസരിച്ച് ബിഹാര് സംസ്ഥാന ബിവറേജ് കോര്പ്പറേഷന് ലിമിറ്റഡ് ഐ.എം.എഫ്.എല്. കടകള് തുറക്കും. നിയമസഭാ തിരഞ്ഞെടുപ്പിലെ വാഗ്ദാനമനുസരിച്ച് സംസ്ഥാനമെങ്ങും മദ്യം നിരോധിക്കുമെന്ന് കഴിഞ്ഞമാസമാണ് മുഖ്യമന്ത്രി നിതീഷ്കുമാര് പ്രഖ്യാപിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
