സ്ത്രീകളുടെ സുരക്ഷയ്ക്കായി എല്ലാ ഫോണുകളിലും അപായ ബട്ടനുകള്‍ വേണമെന്ന് കേന്ദ്രമന്ത്രി മനേക ഗാന്ധി. ഇത് ഉടന്‍ തന്നെ നടപ്പാക്കുമെന്നും മേനക പറഞ്ഞു. നിലവില്‍ ഉള്ള ഫോണുകളിലും ഇനി പുറത്തിറങ്ങുന്ന ഫോണുകളിലും ഈ സംവിധാനം ഉള്‍പ്പെടുത്തുമെന്നും അവര്‍ പറഞ്ഞു.

സ്ത്രീ സുരക്ഷയ്ക്കായി സര്‍ക്കാര്‍ സ്വീകരിച്ച നടപടികളെ കുറിച്ച് ലോക സഭയില്‍ സംസാരിക്കവേ മേനക ഗാന്ധി പറഞ്ഞു. എല്ലാ മൊബൈല്‍ ഫോണുകളിലും ഒരു അപായ ബട്ടന്‍ വേണം. ഇപ്പോള്‍ പുതിയതായി പുറത്തിറങ്ങുന്ന ഫോണുകളില്‍ ഈ ബട്ടനുകള്‍ ഉള്‍പ്പെടുത്തണം. പഴയ ഫോണ്‍ ഉപയോഗിക്കുന്നവര്‍ ഫോണിന്റെ കമ്പനിയുമായി ബന്ധപ്പെട്ട് ബട്ടന്‍ സൗകര്യം ഏര്‍പ്പെടുത്തണം. ഒരു സ്ത്രീ ഏന്തെങ്കിലും അപകടത്തില്‍ പെട്ടാല്‍ ആ സ്വിച്ച് അമര്‍ത്തിയാല്‍ അവര്‍ക്ക് ഉടന്‍ തന്നെ സഹായം ലഭിക്കും. 
ബട്ടനില്‍ അമര്‍ത്തിയാല്‍ സെറ്റ് ചെയ്തിരിക്കുന്ന നമ്പറിലേക്ക് കോള്‍ പോവുകയും ഉടന്‍ സഹായം ലഭ്യമാക്കുന്നതുമാണ് സംവിധാനമെന്നാണ് വിവരം. അടുത്ത ആറ് മാസത്തിനുള്ളില്‍ സംവിധാനം എത്തിക്കാനുള്ള ശ്രമത്തിലാണ് ടെലികോം മന്ത്രാലയം.

കൂടാതെ സ്ത്രീകളുടെ സുരക്ഷയ്ക്കായി എല്ലാ വില്ലേജുകളിലും പ്രത്യേക പോലീസ് ഉദ്യോഗസ്ഥരെ നിയമിക്കാനുള്ള നടപടികള്‍ നടന്ന് വരികയാണെന്നും മേനക പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha