ചന്ദ്രയാന്‍ 3ന്റെ വിജയകരമായ വിക്ഷേപണത്തിന് പിന്നാലെ പി.എസ്.എല്‍.വി. റോക്കറ്റിന്റെ വാണിജ്യവിക്ഷേപണം ഇന്ന് നടത്തും.

രാവിലെ 6.30ന് ശ്രീഹരിക്കോട്ടയില്‍ നിന്നാണ് വിക്ഷേപണം. സിംഗപ്പൂരിലെ ഭൗമ നിരീക്ഷണ ഉപഗ്രഹമായ ഡി.എസ്. ആറും ആറ് ചെറിയ ഉപഗ്രഹങ്ങളുമുള്‍പ്പെടെ ഏഴ് ഉപഗ്രഹങ്ങളാണ് ഒറ്റയടിക്ക് വിക്ഷേപിക്കുന്നത്.


26ന് നടത്താനിരുന്ന വിക്ഷേപണം സാങ്കേതിക കാരണങ്ങളാല്‍ ഇന്നത്തേക്ക് മാറ്റിയിരുന്നു. ഭൂമിയില്‍ നിന്ന് 535 കിലോമീറ്റര്‍ ഉയരത്തിലുള്ള ഭ്രമണപഥത്തിലാണ് ഉപഗ്രഹങ്ങള്‍ വിക്ഷേപിക്കുക.

റോക്കറ്റിന്റെ കോര്‍ എലോണ്‍ കോണ്‍ഫിഗറേഷന്‍ പതിപ്പിന്റെ 17ാ മത് വിക്ഷേപണവുമാണ്. പി.എസ്.എല്‍.വി. സി.56 എന്നാണ് റോക്കറ്റിന്റെ പേര്.ഐ.എസ്.ആര്‍.ഒ.യുടെ വാണിജ്യവിഭാഗമായ ന്യൂ സ്പെയ്‌സ് ഇന്ത്യയും സിംഗപ്പൂര്‍ സര്‍ക്കാരും തമ്മിലുള്ള കരാറിന്റെ അടിസ്ഥാനത്തിലാണ് വിക്ഷേപണമുള്ളത്. 352 കിലോ ഭാരമുള്ള ഡി.എസ്.സാറിന് പുറമെ മറ്റ് ആറ് ഉപഗ്രഹങ്ങളുടെ ഭാരം 52.5കിലോഗ്രാം ആണ്. 24 മിനിറ്റില്‍ ദൗത്യം പൂര്‍ത്തിയാകും.. ഐ.എസ്.ആര്‍.ഒ.യുടെ ഏറ്റവും വിശ്വസ്ത റോക്കറ്റായ പി.എസ്.എല്‍.വിയുടെ 59ാ മത് വിക്ഷേപണമാണിത്.