ഇന്ത്യ-പാക് ചര്ച്ച: അമിത പ്രതീക്ഷയില്ലെന്ന് സര്താജ് അസീസ്
ഇന്ത്യയും പാകിസ്താനും തമ്മില് അടുത്ത മാസം നടക്കുന്ന സെക്രട്ടറി തല ചര്ച്ചയില് അമിത പ്രതീക്ഷ ഇല്ലെന്ന് നവാസ് ശരീഫിന്റെ വിദേശകാര്യ ഉപദേഷ്ടാവ് സര്താജ് അസീസ് പറഞ്ഞു. റേഡിയോ പാകിസ്താന് നല്കിയ അഭിമുഖത്തിലാണ് സര്താജ് അസീസ് ഇക്കാര്യം പറഞ്ഞത്. എല്ലാ പ്രശ്നങ്ങള്ക്കും ഉടന് പരിഹാരം കണ്ടെത്താന് സാധിക്കില്ലെന്നും സര്താജ് അസീസ് വ്യക്തമാക്കി.
പ്രാഥമികമായി അതിര്ത്തിയിലെ സംഘര്ഷാവസ്ഥക്ക് അയവുവരുത്താനുള്ള നടപടികളാണ് ചെയ്യുക. നിയന്ത്രണരേഖയില് സമാധാനം കൊണ്ടുവരണം. കശ്മീര് ഉള്പ്പെടെയുള്ള കാര്യങ്ങള് ജനുവരിയിലെ ചര്ച്ചയില് വിഷയമാകും. അയല്രാജ്യങ്ങളുമായി നല്ല ബന്ധം നിലനിര്ത്താനാണ് നവാസ് ശരീഫ് ആഗ്രഹിക്കുന്നത്. ലാഹോറില് നരേന്ദ്ര മോദിയും നവാസ് ശരീഫും തമ്മില് നടത്തിയ കൂടിക്കാഴ്ചയിലാണ് സെക്രട്ടറി തല ചര്ച്ചക്ക് തീരുമാനമായതെന്നും സര്താജ് അസീസ് അറിയിച്ചു.
വെള്ളിയാഴ്ചയാണ് പ്രധാനമന്ത്രി നരേന്ദ്ര മോദി പാകിസ്താന് പ്രധാനമന്ത്രി നവാസ് ശരീഫുമായി ലാഹോറില് കൂടിക്കാഴ്ച നടത്തിയത്. കാബൂളില് നിന്ന് മടങ്ങുംവഴി മോദി പാകിസ്താനില് ഇറങ്ങുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
