കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി അവധി ആഘോഷിക്കാന്‍ യൂറോപ്പിലേക്ക് പോകുന്നു. ട്വിററ്റിലൂടെയാണ് രാഹുല്‍ ഇക്കാര്യം അറിയിച്ചത്. ഏതാനും ദിവസത്തെ ട്രിപ്പിനായി യൂറോപ്പിലേക്ക് പോകുന്നുവെന്നും ഏവര്‍ക്കും പുതുവത്സരാശംസകള്‍ നേരുന്നതായും രാഹുല്‍ ട്വീറ്റ് ചെയ്തു.
നേരത്തെ രാഹുലിന്റെ വിദേശയാത്രകള്‍ വിവാദമായതിന്റെ പശ്ചാത്തലത്തിലാണ് ഇത്തവണ വിദേശയാത്രാ വിവരം രാഹുല്‍ ട്വിറ്ററില്‍ വെളിപ്പെടുത്തിയത്.

കഴിഞ്ഞ ബജറ്റ് സമ്മേളനത്തിന് തൊട്ടുമുമ്പ് രാഹുല്‍ ഗാന്ധി ഒരു മാസത്തിലധികം അവധിയില്‍ പ്രവേശിച്ചത് വിവാദമായിരുന്നു. രാഹുലിന്റെ വിദേശ സന്ദര്‍ശനം എങ്ങോട്ടേക്കാണെന്ന് പാര്‍ട്ടി വൃത്തങ്ങളില്‍ പോലും വെളിപ്പെടുത്തിയിരുന്നില്ല.

മുന്‍പ് രണ്ട് തവണ രഹസ്യമായി വിദേശത്തേക്ക് പോയത് ബിജെപി അടക്കമുള്ള രാഷ്ട്രീയ പാര്‍ട്ടികള്‍ പരിഹസിക്കുകയും വിവാദമാക്കുകയും ചെയ്തിനെ തുടര്‍ന്നാണ് ഇത്തവണ രാഹുല്‍ഗാന്ധി തന്നെ ഇക്കാര്യം പരസ്യമാക്കിയത്. എന്നാല്‍ കുറച്ച് ദിവസത്തേക്ക് യൂറോപ്പിലേക്ക് പോകുന്ന എന്ന പ്രയോഗമാണ് ഇത്തവണ വിവാദത്തിന് വഴിവച്ചിരിക്കുന്നത്.

കഴിഞ്ഞ തവണത്തെ പോലെ രാഹുല്‍ ഗാന്ധി വീണ്ടും അപ്രത്യക്ഷനാവുകയാണോ എന്ന പരിഹാസമാണ് ബിജെപി ഉയര്‍ത്തുന്നത്. എല്ലാത്തിലും വിവാദം കാണുന്നത് ഉചിതമല്ലെന്ന് പറഞ്ഞ് വിഷയത്തില്‍ നിന്ന് തലയൂരുകയാണ് കോണ്‍ഗ്രസ്.
കഴിഞ്ഞ ഫെബ്രുവരിയിലും പിന്നീട് സെപ്റ്റംബറിലും രാഹുല്‍ ഗാന്ധി അപ്രതീക്ഷിതമായി വിദേശയാത്ര നടത്തിയിരുന്നു.

ഫെബ്രുവരിയില്‍ നിര്‍ണായക ബജറ്റ് സമ്മേളനത്തിന് മുന്‍പ് പാര്‍ട്ടിയില്‍ നിന്ന് പെട്ടെന്ന് അവധിയെടുത്ത് വിദേശത്ത് പോയ രാഹുല്‍ 56 ദിവസത്തിന് ശേഷമാണ് മടങ്ങിയെത്തിയത്. പാര്‍ട്ടിയില്‍ തനിക്കെതിരെ ഉയരുന്ന വിമതസ്വരങ്ങള്‍ക്ക് തടയിടാനായിരുന്നു ഈ യാത്രയെന്ന് അന്ന് ആരോപണമുയര്‍ന്നിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha