പാകിസ്ഥാന് തിരഞ്ഞെടുപ്പില് വിജയം പ്രഖ്യാപിച്ച് മുന് പ്രധാനമന്ത്രി നവാസ് ഷെരീഫ്....
പാകിസ്ഥാന് തിരഞ്ഞെടുപ്പില് വിജയം പ്രഖ്യാപിച്ച് മുന് പ്രധാനമന്ത്രി നവാസ് ഷെരീഫ്. രാജ്യത്തെ ഏറ്റവും വലിയ ഒറ്റക്കക്ഷി പിഎംഎല്-എന് ആണെന്നും അദ്ദേഹം അവകാശപ്പെട്ടു. 'സ്വന്തമായി സര്ക്കാര് രൂപീകരിക്കാനുള്ള ഭൂരിപക്ഷം ഞങ്ങള്ക്കില്ല, അതിനാല്, സര്ക്കാര് രൂപീകരിക്കാന് ഞങ്ങള് മറ്റ് പാര്ട്ടികളെ ക്ഷണിക്കും. ഈ ചുമതല ഞാന് ഷെഹ്ബാസ് ഷെരീഫിനെ ഏല്പ്പിച്ചു. പാക്കിസ്ഥാനില് സര്ക്കാര് രൂപീകരിക്കാനും നിലവിലെ പ്രതിസന്ധിയില് നിന്ന് രാജ്യത്തെ കരകയറ്റാനും പാര്ട്ടി ആസിഫ് അലി സര്ദാരിയെയും മൗലാന ഫസ്ലുര് റഹ്മാനെയും സമീപിക്കുമെന്നും അദ്ദേഹം പറഞ്ഞു.
രാജ്യത്തെ 'സൗഖ്യമാക്കാന്' താന് ആഗ്രഹിക്കുന്നു. ഞങ്ങള് പൊതുജനങ്ങളുടെ ഉത്തരവിനെ മാനിക്കുന്നു. ലോകവുമായും അയല്ക്കാരുമായും മികച്ച ബന്ധം പുലര്ത്തുക എന്നതാണ് ഞങ്ങളുടെ അജണ്ടയെന്ന് അദ്ദേഹം കൂട്ടിച്ചേര്ത്തു. ഞങ്ങള്ക്ക് വീണ്ടും വീണ്ടും തിരഞ്ഞെടുപ്പ് നടത്താന് കഴിയില്ല. ഞങ്ങള് എല്ലാവരും ഇന്നലെ ഒരുമിച്ച് ഇരിക്കുകയായിരുന്നു. പക്ഷേ ഫലം വരാത്തതിനാല് നിങ്ങളെ അഭിസംബോധന ചെയ്തില്ല. തകര്ന്ന പാക്കിസ്ഥാനെ പുനര്നിര്മ്മിക്കാനും ഞങ്ങളോടൊപ്പം ഇരിക്കാനും ഞങ്ങള് എല്ലാവരേയും ക്ഷണിക്കുന്നുവെന്നും നവാസ് ഷെരീഫ് പറഞ്ഞു. പാകിസ്ഥാന് തിരഞ്ഞെടുപ്പ് കമ്മീഷന് (ഇസിപി) കണക്കുകള് പ്രകാരം 139 മണ്ഡലങ്ങളുടെ ഫലം പ്രഖ്യാപിച്ചിട്ടുണ്ട്. സര്ക്കാര് രൂപീകരിക്കാന് 265 സീറ്റില് 133 സീറ്റും ഒരു പാര്ട്ടി നേടിയിരിക്കണം.
https://www.facebook.com/Malayalivartha
