കര്ഷക പ്രതിഷേധം ശക്തമായിക്കൊണ്ടിരിക്കെ കര്ഷകര്ക്ക് വാഗ്ദാനവുമായി രാഹുല് ഗാന്ധി
ഉത്തരേന്ത്യയുടെ വിവിധ ഭാഗങ്ങളില് കര്ഷക പ്രതിഷേധം ശക്തമായിക്കൊണ്ടിരിക്കെ ഇന്ഡ്യ മുന്നണി അധികാരത്തില് എത്തിയാല് താങ്ങുവില നടപ്പാക്കുമെന്ന ഉറപ്പുമായി രാഹുല് ഗാന്ധി. ഇത് കര്ഷകര്ക്കുള്ള നിയമപരമായ ഉറപ്പാണെന്നും രാഹുല് ഗാന്ധി വ്യക്തമാക്കി. കര്ഷക സമരത്തില് ഇടപെടലുമായി പഞ്ചാബ്-ഹരിയാന ഹൈക്കോടതി.
പ്രശ്നം രമ്യമായി പരിഹരിക്കണമെന്നും ബലപ്രയോഗം അവസാന ആശ്രയമായിരിക്കണമെന്നും ഹൈക്കോടതി പറഞ്ഞു. കര്ഷക മാര്ച്ചിന് മുന്നോടിയായി സംസ്ഥാനത്ത് ഇന്റര്നെറ്റ് നിരോധിക്കുന്നതിന് പുറമെ റോഡുകള് തടയാനുള്ള ഹരിയാന സര്ക്കാരിന്റെ തീരുമാനത്തിനെതിരായ ഒരു കൂട്ടം ഹര്ജികള് പരിഗണിക്കവെയാണ് കോടതിയുടെ നിരീക്ഷണം.
ചീഫ് ജസ്റ്റിസ് ജി എസ് സാന്ധവാലിയ, ജസ്റ്റിസ് ലപിത ബാനര്ജി എന്നിവരടങ്ങിയ ബെഞ്ചാണ് കേസ് പരിഗണിച്ചത്. സംസാരിക്കാനും ആവിഷ്കരിക്കാനുമുള്ള മൗലികാവകാശത്തില് സന്തുലിതാവസ്ഥ വേണമെന്നും അവകാശങ്ങളൊന്നും ഒറ്റപ്പെട്ടതല്ലെന്നും കോടതി ചൂണ്ടിക്കാട്ടി. വിളകള്ക്ക് എംഎസ്പി ഉറപ്പുനല്കുന്നതിനുള്ള നിയമം കൊണ്ടുവരുന്നതുള്പ്പെടെയുള്ള തങ്ങളുടെ ആവശ്യങ്ങള് അംഗീകരിക്കാന് കേന്ദ്രത്തില് സമ്മര്ദ്ദം ചെലുത്താന് സംയുക്ത കിസാന് മോര്ച്ചയുടെയും കിസാന് മസ്ദൂര് മോര്ച്ചയുടെയും ആഹ്വാനപ്രകാരം ആയിരക്കണക്കിന് കര്ഷകര് പ്രതിഷേധവുമായി രം?ഗത്തെത്തിയിരിക്കുന്നത്.
മിനിമം താങ്ങുവില ഉറപ്പാക്കണം എന്നതുള്പ്പെടെ ചൂണ്ടിക്കാട്ടി കര്ഷക സംഘടനകള് പ്രഖ്യാപിച്ച ഡല്ഹി ചലോ മാര്ച്ചില് സംഘര്ഷം. പഞ്ചാബിനും ഹരിയാനയ്ക്കുമിടയിലുള്ള ശംഭു അതിര്ത്തിയില് നിന്നാണ് കര്ഷകര് മാര്ച്ച് ആരംഭിച്ചത്. ഇതിന് പിന്നാലെ പ്രദേശത്ത് സംഘര്ഷാവസ്ഥ ഉടലെടുക്കുകയും ചെയ്തു. ശംഭു അതിര്ത്തിക്കടുത്തുള്ള ഭാഗത്ത് പ്രതിഷേധിച്ച കര്ഷകര് ബാരിക്കേഡുകള് തകര്ക്കാന് തുടങ്ങിയതോടെ പോലീസ് ഇടപെടുകയായിരുന്നു.
ഇതിന് തിരിച്ചടിച്ചുകൊണ്ട് ജനക്കൂട്ടത്തെ പിരിച്ചുവിടാന് ഹരിയാന പോലീസ് കണ്ണീര് വാതകം പ്രയോഗിച്ചു. ഒരു കൂട്ടം കര്ഷകര് പോലീസ് ബാരിക്കേഡുകള് ഉയര്ത്തി പാലത്തില് നിന്ന് എറിയുകയായിരുന്നു. തുടര്ന്ന് ഹരിയാന പോലീസ് കണ്ണീര് വാതകം പ്രയോഗിച്ചു. കര്ഷകര് ബാരിക്കേഡുകള് നീക്കാനുള്ള ശ്രമം തുടര്ന്നപ്പോള് ഒന്നിലധികം റൗണ്ട് കണ്ണീര് വാതകം പോലീസ് പ്രയോഗിക്കുകയായിരുന്നു.
കര്ഷകര് പ്രതിഷേധവുമായി ഇവിടേക്ക് എത്തിയ ട്രക്കുകളും ട്രാക്ടറുകളും പോലീസ് പിടിച്ചെടുക്കുകയും ചെയ്തിട്ടുണ്ട് ഡ്രോണുകള് വഴി പ്രതിഷേധക്കാരുടെ നീക്കങ്ങള് പോലീസ് നിരന്തരം നിരീക്ഷിച്ചുവരികയാണ്. ഹരിയാന ഭാഗത്ത് നിന്നുള്ള കര്ഷകരും ശംഭു അതിര്ത്തിയിലേക്ക് നീങ്ങാന് തുടങ്ങിയിട്ടുണ്ട്. പഞ്ചാബിലും ഹരിയാനയിലുമായി രണ്ടായിരത്തി അഞ്ഞൂറോളം ട്രാക്ടറുകള് മാര്ച്ചിനായി അണിനിരത്തിയിട്ടുണ്ടെന്നാണ് റിപ്പോര്ട്ട്. എന്നാല് പ്രതിഷേധം ഡല്ഹിയിലേക്ക് കടക്കാതിരിക്കാന് കനത്ത സുരക്ഷയാണ് രാജ്യതലസ്ഥാനത്ത് പോലീസ് ഒരുക്കിയിരിക്കുന്നത്.
https://www.facebook.com/Malayalivartha
