പൊലീസും കര്ഷകരും നേര്ക്കുനേര്... കര്ഷകരുടെ ഡല്ഹി ചലോ മാര്ച്ചില് അതിര്ത്തികളില് വ്യാപക സംഘര്ഷം.... ഹരിയാനയിലെ ഖനൗരി അതിര്ത്തിയിലാണ് സംഘര്ഷമുണ്ടായത്
പൊലീസും കര്ഷകരും നേര്ക്കുനേര്... കര്ഷകരുടെ ഡല്ഹി ചലോ മാര്ച്ചില് അതിര്ത്തികളില് വ്യാപക സംഘര്ഷം.... ഹരിയാനയിലെ ഖനൗരി അതിര്ത്തിയിലാണ് സംഘര്ഷമുണ്ടായത്.
ഇന്നലെ രാത്രിയിലും വിവിധയിടങ്ങളില് പൊലീസ് ലാത്തിചാര്ജ് നടത്തി. ഇന്നലെ വൈകിട്ടോടെ ഹരിയാനയിലെ ഖനൗരി അതിര്ത്തിയിലാണ് സംഘര്ഷമുണ്ടായത്. പൊലീസ് കര്ഷകര്ക്കുനേരെ ലാത്തിചാര്ജ് നടത്തി. ഹരിയാനയിലെ ശംഭു അതിര്ത്തിയില് കൂടുതല് പൊലീസുകാരെ വിന്യസിച്ചു. ഇവിടെ പൊലീസും കര്ഷകരും നേര്ക്കുനേര് തുടരുകയാണ്. പ്രതിഷേധക്കാരെ അകറ്റി നിര്ത്താനായി രാത്രിയിലും ഹരിയാന പൊലീസ് തുടര്ച്ചയായി ഗ്രനേഡ് പൊട്ടിക്കുകയാണ്.
അതേസമയം, പഞ്ചാബ് അതിര്ത്തിയില് നിയന്ത്രണങ്ങളൊന്നുമില്ല. പൊലീസ് കര്ഷകര്ക്ക് നേരെ വെടിയുതിര്ത്തുവെന്ന് എന്ന് കര്ഷകര് ആരോപിച്ചു. ഇതിനിടെ, ഹരിയാനയില് ഇന്റര്നെറ്റ് നിരോധനം രണ്ട് ദിവസത്തേക്ക് കൂടി നീട്ടി. ആയിരക്കണക്കിന് ട്രാക്ടറുകളിലായാണ് രാവിലെ കര്ഷകര് പഞ്ചാബില്നിന്നും ഹരിയാനയില്നിന്നും ഡല്ഹിയിലേക്ക് തിരിച്ചത്. രാവിലെ പത്ത് മണിക്ക് പഞ്ചാബിലെ ഫത്തേഗഡ് സാഹിബില് നിന്ന് ആരംഭിച്ച മാര്ച്ച് പഞ്ചാബ് പൊലീസ് തടഞ്ഞില്ല. ട്രാക്ടര് മാര്ച്ച് പഞ്ചാബ് അതിര്ത്തിയില് നിന്നും ഹരിയാനയിലേക്ക് കടന്നതോടെ ഹരിയാന സര്ക്കാര് തടഞ്ഞു. പഞ്ചാബ് ഹരിയാന അതിര്ത്തിയിലെ അമ്പാലയിലാണ് ആദ്യം സംഘര്ഷമുണ്ടായത്. സമരക്കാര്ക്ക് നേരെ പൊലീസ് കണ്ണീര്വാതകം പ്രയോഗിച്ചു.
ഹരിയാന അതിര്ത്തികള് ബാരിക്കേഡ് ഉപയോഗിച്ച് പൊലീസ് അടച്ചിരിക്കുകയാണ് .7 ജില്ലകളില് നിരോധനാജ്ഞയും ഇന്റര്നെറ്റ് നിരോധനവും ഏര്പ്പെടുത്തിയിട്ടുണ്ട്.
അതേസമയം
താങ്ങുവില നിയമ നിര്മ്മാണം നടപ്പാക്കുക. കാര്ഷിക കടങ്ങള് എഴുതിത്തള്ളുക, എല്ലാ കാര്ഷിക ഉത്പന്നങ്ങളുടേയും ഇറക്കുമതി തീരുവ വര്ധിപ്പിക്കണം. സ്വതന്ത്ര വ്യാപാര ഉടമ്പടി ചര്ച്ചകള് അവസാനിപ്പിക്കണം. വൈദ്യുത ബോര്ഡുകള് സ്വകാര്യവത്കരിക്കരുത്. കൃഷിയും ചില്ലറ വ്യാപാരവും ചെറുകിട സംരംഭകര്ക്കായി സംവരണം ചെയ്യുക. കാര്ഷിക മേഖലയിലെ കോര്പ്പറേറ്റ് വല്ക്കരണം അവസാനിപ്പിക്കുക .
കര്ഷക പെന്ഷന് പ്രതിമാസം അയ്യായിരം രൂപയായി വര്ധിപ്പിക്കുക, സമരവുമായി ബന്ധപ്പെട്ട് കര്ഷകര്ക്കെതിരെ എടുത്ത കേസുകള് പിന്വലിക്കുക, ലഖിം പൂര് ഖേരിയില് കൊല്ലപ്പെട്ട കര്ഷകരുടെ കുടുംബങ്ങള്ക്ക് സഹായധനം എന്നിവയൊക്കെയാണ് കര്ഷകര് മുന്നോട്ട് വെക്കുന്ന ആവശ്യങ്ങള്.
https://www.facebook.com/Malayalivartha
