രാജ്യത്തെ നടുക്കിയ പുല്വാമ ഭീകരാക്രമണം നടന്നിട്ട് ഇന്ന് അഞ്ച് വര്ഷം.... ജീവന് ബലിയര്പ്പിച്ച സൈനികരുടെ ഓര്മ പുതുക്കി രാജ്യം... ജമ്മു കശ്മീരിലെ പുല്വാമയില് ഉണ്ടായ ഭീകരാക്രമണത്തില് വീരമൃത്യുവരിച്ച സൈനികരെ സ്മരിച്ച് പ്രധാനമന്ത്രി നരേന്ദ്ര മോദി...
ജമ്മു കശ്മീരിലെ പുല്വാമയില് ഉണ്ടായ ഭീകരാക്രമണത്തില് വീരമൃത്യുവരിച്ച സൈനികരെ സ്മരിച്ച് പ്രധാനമന്ത്രി നരേന്ദ്ര മോദി. സൈനികരുടെ ജീവത്യാഗം രാജ്യം എല്ലായ്പ്പോഴും ഓര്ക്കുമെന്ന് പ്രധാനമന്ത്രി . സമൂഹമാദ്ധ്യമങ്ങളിലൂടെയായിരുന്നു അദ്ദേഹത്തിന്റെ പ്രതികരണം.
' പുല്വാമ ഭീകരാക്രമണത്തില് വീരമൃത്യുവരിച്ച സൈനികര്ക്ക് പ്രണാമം. സൈനികരുടെ സേവനവും ജീവത്യാഗവും രാജ്യം എല്ലായ്പ്പോഴും ഓര്ക്കും'- പ്രധാനമന്ത്രി പറഞ്ഞു
ജമ്മു കശ്മീരിലെ പുല്വാമയില് 40 സി.ആര്.പി.എഫ്. സേനാംഗങ്ങളുടെ ധീരരക്തസാക്ഷിത്വത്തിന് ഇന്ന് അഞ്ചുവയസ്സ്. 2019 ഫെബ്രുവരി 14-നാണ് രാജ്യത്തെ കണ്ണീരിലാഴ്ത്തിക്കൊണ്ട് പുല്വാമയില് ഭീകരാക്രമണം നടന്നത്.
അവധി കഴിഞ്ഞ് നാട്ടില്നിന്നു മടങ്ങിയ സേനാംഗങ്ങളുടെ വാഹനവ്യൂഹത്തിനുനേരേ അവന്തി പുരയ്ക്കടുത്ത് ഭീകരര് സ്ഫോടകവസ്തുക്കള് നിറച്ച കാര് ഇടിച്ചുകയറ്റുകയായിരുന്നു. വീരമൃത്യു വരിച്ചവരില് വയനാട് ലക്കിടി സ്വദേശി വി.വി. വസന്തകുമാറുമുണ്ടായിരുന്നു.
പാക് ആസ്ഥാനമായുള്ള ഭീകരസംഘടനയായ ജെയ്ഷെ മുഹമ്മദ് ആയിരുന്നു ആക്രമണത്തിനു പിന്നിലുണ്ടായിരുന്നത്. ഭീകരാക്രമണത്തിനുശേഷം 12-ാംദിനം ഇതിനു തിരിച്ചടിയായി ഇന്ത്യ പാകിസ്താനെതിരേ ഫെബ്രുവരി 26-ന് ബാലാക്കോട്ടിലെ ഭീകരതാവളങ്ങളില് വ്യോമാക്രമണം നടത്തിയിരുന്നു.
https://www.facebook.com/Malayalivartha
