പ്രധാനമന്ത്രി നരേന്ദ്രമോദി വീണ്ടും കേരളത്തിലേക്ക്.... ബിജെപി അധ്യക്ഷന് കെ സുരേന്ദ്രന് നയിക്കുന്ന പദയാത്രയുടെ സമാപന സമ്മേളനത്തില് പങ്കെടുക്കാന് പ്രധാനമന്ത്രി കേരളത്തിലേക്കെത്തുന്നു, സമ്മേളനം ഫെബ്രുവരി 27ന് തിരുവനന്തപുരത്ത് പ്രധാനമന്ത്രി ഉദ്ഘാടനം ചെയ്യും
പ്രധാനമന്ത്രി നരേന്ദ്രമോദി വീണ്ടും കേരളത്തിലേക്ക്. ബിജെപി അധ്യക്ഷന് കെ സുരേന്ദ്രന് നയിക്കുന്ന പദയാത്രയുടെ സമാപന സമ്മേളനത്തില് പങ്കെടുക്കാനാണ് പ്രധാനമന്ത്രി കേരളത്തിലേക്ക് വരുന്നത്.
സമ്മേളനം ഫെബ്രുവരി 27ന് തിരുവനന്തപുരത്ത് പ്രധാനമന്ത്രി ഉദ്ഘാടനം ചെയ്യും. വാര്ത്താ സമ്മേളനത്തിലൂടെ കെ സുരേന്ദ്രന് തന്നെയാണ് വിവരം അറിയിച്ചത്. സെന്ട്രല് സ്റ്റേഡിയത്തിലാണ് സമാപന സമ്മേളനം.
മറ്റ് ചില ഔദ്യോഗിക പരിപാടിയില് കൂടി പ്രധാനമന്ത്രി പങ്കെടുത്തേക്കും. ഇക്കാര്യത്തില് അന്തിമ തീരുമാനിയിട്ടില്ല. നേരത്തെ സുരേഷ് ഗോപിയുടെ മകളുടെ വിവാഹത്തില് പങ്കെടുക്കാനാണ് പ്രധാനമന്ത്രി കേരളത്തിലെത്തിയത്.
നടനും ബിജെപി നേതാവുമായ സുരേഷ് ഗോപിയുടെ മകളുടെ വിവാഹത്തില് പങ്കെടുക്കാനെത്തിയ പ്രധാനമന്ത്രി നരേന്ദ്ര മോദി ഗുരുവായൂര് ക്ഷേത്രത്തില് ദര്ശനം നടത്തുകയും ഗുരുവായൂരപ്പന്റെ ദാരുശില്പം സമര്പ്പിക്കുകയും ചെയ്തു. കേരളീയ വേഷത്തില് ഗുരുവായൂര് അമ്പലത്തിലെത്തിയ പ്രധാനമന്ത്രിയെ തന്ത്രി ചേനസ് നമ്പൂതിരിപ്പാട്, ദേവസ്വം പ്രസിഡന്റ് പൊഫ.വിജയന് എന്നിവര് ചേര്ന്നാണ് സ്വീകരിച്ചത്.
കൊച്ചിയില് നിന്നും ഹെലികോപ്റ്റര് മാര്ഗ്ഗമാണ് പ്രധാനമന്ത്രി ഗുരുവായൂരില് എത്തിയത്. ഗുരുവായൂരില് എത്തിയ പ്രധാനമന്ത്രിയെ ബിജെപി സംസ്ഥാന ജില്ലാ നേതാക്കളും മറ്റും സ്വീകരിച്ചു. കനത്ത സുരക്ഷാ സംവിധാനമാണ് ഗുരുവായൂരില് ഏര്പ്പെടുത്തിയിരുന്നത്.സുരേഷ് ഗോപിയുടെ മകളുടെ വിവാഹശേഷം അദ്ദേഹം തൃപ്രയാര് ശ്രീരാമ ക്ഷേത്രത്തിലും ദര്ശനം നടത്തിയശേഷം തൃപ്രയാര് ക്ഷേത്രത്തിലെത്തി. പിന്നീട് കൊച്ചിയില് തിരിച്ചെത്തി ഷിപ്പ്യാര്ഡിലെ പദ്ധതികളുടെ ഉദ്ഘാടനം നിര്വഹിച്ചശേഷം മറൈന് െ്രെഡവില് ബിജെപിയുടെ പൊതുപരിപാടിയില് പങ്കെടുത്തശേഷം ഡല്ഹിയിലേക്ക് മടങ്ങി.
https://www.facebook.com/Malayalivartha
