സംഗീത-നൃത്ത വേദികളിലൂടെ രാജ്യത്തിനകത്തും പുറത്തും തിളങ്ങിയ മലയാളിവനിത ചെന്നൈയില് അന്തരിച്ചു...
സംഗീത-നൃത്ത വേദികളിലൂടെ രാജ്യത്തിനകത്തും പുറത്തും തിളങ്ങിയ മലയാളിവനിത ചെന്നൈയില് അന്തരിച്ചു. മഞ്ചേരി താഴെക്കാട്ടു മനയില് കുടുംബാംഗമായ ഗിരിജ അടിയോടി (82) യാണ് ഇന്നലെ ചെന്നൈയിലെ രാജീവ്ഗാന്ധി സര്ക്കാര് ജനറല് ആശുപത്രിയില് മരണത്തിനു കീഴടങ്ങിയത്.
ഞരമ്പു സംബന്ധമായ അസുഖങ്ങളെ തുടര്ന്ന് പത്തുദിവസം മുമ്പാണ് അവരെ ആശുപത്രിയില് പ്രവേശിപ്പിച്ചത്. മലബാര് പോലീസ് വകുപ്പിലായിരുന്ന ഭര്ത്താവ് നേരത്തേ മരിച്ചിരുന്നു. മകനും മകളുമുണ്ട്. മകളും കുടുംബവും ദുബായിലാണ് താമസമെന്നു പറയുന്നു. അവരുടെ നമ്പരില് ബന്ധപ്പെടാനായി ശ്രമിച്ചപ്പോള് യാതൊരു പ്രതികരണവും ലഭിച്ചില്ലെന്ന് ചെന്നൈയിലെ നോര്ക്ക റൂട്ട്സ് സ്പെഷ്യല് ഓഫീസര് അനു പി. ചാക്കോ പറഞ്ഞു.
വേള്ഡ് മലയാളി കൗണ്സില് പ്രതിനിധികളുമായി ബന്ധപ്പെട്ടും അന്വേഷണം നടത്തിയിട്ടുണ്ടായിരുന്നു. ഗിരിജയുടെ മൃതദേഹം ഇപ്പോള് ജനറല് ആശുപത്രി മോര്ച്ചറിയിലാണ്. നോര്ക്കയുടെയും ചെന്നൈയിലെ മലയാളി സംഘടനകളുടെയും നേതൃത്വത്തില് വെള്ളിയാഴ്ച ഉച്ചതിരിഞ്ഞ് ചെന്നൈ കോര്പ്പറേഷന് ആസ്ഥാനമായ റിപ്പണ് ബില്ഡിങ്ങിനു സമീപത്തെ ശ്മശാനത്തില് സംസ്കരിക്കാനാണ് തീരുമാനമെന്നും അനുചാക്കോ പറഞ്ഞു.
അതേസമയം മദ്രാസ് മ്യൂസിക് കോളേജില് പഠിച്ച ഗിരിജ ദുബായ് കരാമയില് 'സ്വരലയ' എന്ന സംഗീത-നൃത്ത വിദ്യാലയം നടത്തിയിരുന്നു. സ്ഥാപനം മകള്ക്കുനല്കിയശേഷം പതിനഞ്ചു വര്ഷം മുമ്പാണ് ചെന്നൈയിലെത്തിയത്.
"
https://www.facebook.com/Malayalivartha
