അത് വേറെ ലെവല്... ആന്ധ്രയില് വൈഎസ്ആര്സിപി സ്ഥാനാര്ഥിയുടെ തെരഞ്ഞെടുപ്പ് പ്രചാരണത്തില് പങ്കെടുത്ത തെലുഗ് സൂപ്പര് താരം അല്ലു അര്ജുനെതിരെ കേസ്; നടപടി വൈഎസ്ആര്സിപി സ്ഥാനാര്ത്ഥിക്കായുള്ള പ്രചാരണവുമായി ബന്ധപ്പെട്ട്
ഇന്ത്യ തന്നെ അറിയപ്പെടുന്ന സൂപ്പര് താരമാണ് അല്ലു അര്ജുന്. വില്ലന്മാരേയും പോലീസിനേയുമുള്പ്പെടെ നിലയ്ക്ക് നിര്ത്തുന്ന സൂപ്പര് നടന്. ആ നടന് രാഷ്ട്രീയത്തില് കാലെടുത്ത് വച്ചപ്പോഴേ ചുവട് പിഴച്ചു. ആന്ധ്രയില് വൈഎസ്ആര്സിപി സ്ഥാനാര്ഥിയുടെ തെരഞ്ഞെടുപ്പ്
പ്രചാരണത്തില് പങ്കെടുത്ത തെലുഗ് സൂപ്പര് താരം അല്ലു അര്ജുനെതിരെ കേസെടുത്തു.
വരണാധികാരിയുടെ അനുമതി ഇല്ലാതെ ആളെ കൂട്ടിയതിനാണ് നന്ദ്യാല് പൊലീസ് കേസെടുത്തത്. ആളുകളുടെ സുരക്ഷയ്ക്ക് ഭീഷണിയായെന്നും നടന് തെരഞ്ഞെടുപ്പ് ചട്ടം ലംഘിച്ചെന്നും എഫ്ഐആറിലുണ്ട്.സ്പെഷ്യല് ഡെപ്യൂട്ടി തഹസില്ദാറുടെ പരാതിയിലാണ് നടപടി.
അല്ലു അര്ജുന്റെ സുഹൃത്തായ വെഎസ്ആര്സിപി സ്ഥാനാര്ഥി ശില്പ രവി ചന്ദ്ര റെഡ്ഢിക്കെതിരെയും കേസെടുത്തു. അല്ലു അര്ജുനെ കാണാന് നൂറുകണക്കിന് പേരാണ് തടിച്ചുകൂടിയത്.
അതേസമയം കോണ്ഗ്രസ് വൈഎസ്ആര് വിരുദ്ധരാണെന്നുള്ള പ്രതിച്ഛായ മായ്ച്ചു കളയാന് ശ്രമം നടത്തി കോണ്ഗ്രസ് നേതാവ് രാഹുല് ഗാന്ധി. കടപ്പ മണ്ഡലത്തിലെ കോണ്ഗ്രസ് സ്ഥാനാര്ത്ഥി വൈഎസ് ശര്മിളയുടെ തിരഞ്ഞെടുപ്പ് പ്രചാരണത്തിനെത്തിയ രാഹുല് ഗാന്ധി വൈഎസ് രാജശേഖര റെഡ്ഡിയുടെ സമാധി സ്ഥലവും സന്ദര്ശിച്ചു.
മുന് ആന്ധ്രാപ്രദേശ് മുഖ്യമന്ത്രി കൂടിയായ വൈസ് എസ് ആര് രാജ ശേഖര റെഡ്ഡി തന്റെ പിതാവ് രാജീവ് ഗാന്ധിയുടെ അടുത്ത സുഹൃത്തായിരുന്നുവെന്നും പിതാവിന്റെ മരണത്തിന് ശേഷം താന് വൈഎസ്ആറിന്റെ ഉപദേശങ്ങള് സ്വീകരിച്ചിരുന്നതായും' രാഹുല് ഗാന്ധി പറഞ്ഞു.
വൈഎസ്ആറിന്റെ ആശയങ്ങളും അദ്ദേഹം നിലകൊണ്ട മൂല്യങ്ങളും നിലനിര്ത്താന് കടപ്പയില് നിന്ന് ഷര്മിളയെ വിജയിപ്പിക്കണമെന്നും രാഹുല് ഗാന്ധി ചൂണ്ടി കാട്ടി. ലോക്സഭാ തിരഞ്ഞെടുപ്പില് വൈഎസ്ആര് കോണ്ഗ്രസും കോണ്ഗ്രസും വ്യത്യസ്ത ചേരിയില് നിന്നാണ് മത്സരിക്കുന്നത്. തന്റെ പിതാവായ രാജശേഖര റെഡ്ഢിയെ കോണ്ഗ്രസ് വേട്ടയാടിയെന്ന ആരോപണം മകന് വൈഎസ് ജഗന് മോഹന് റെഡ്ഡി കാലങ്ങളായി ഉയര്ത്തുന്ന പ്രധാന രാഷ്ട്രീയ ആയുധമാണ്. എന്നാല് വൈഎസ് രാജ ശേഖര റെഡ്ഡി എന്നും കോണ്ഗ്രസിനൊപ്പമായിരുന്നുവെന്നും അദ്ദേഹം ജീവിച്ചിരിപ്പുണ്ടെങ്കില് തന്റെ പേരില് മകന് ഉണ്ടാക്കിയ പാര്ട്ടിയെ തള്ളി പറയുമായിരുന്നുവെന്നും രാഹുല് ഗാന്ധി പറഞ്ഞു. മാറി മാറി വരുന്ന ടിഡിപിയുടെയും വൈഎസ്ആര് കോണ്ഗ്രസിന്റെയും ഭരണം സംസ്ഥാനത്തെ സാമൂഹികാവസ്ഥ നശിപ്പിച്ചെന്നും രാഹുല് ആരോപിച്ചു.
ആന്ധ്രയിലെ തിരിച്ചുവരവിന് വൈഎസ്ആറിന്റെ ലെഗസിയെ ചേര്ത്തു പിടിക്കുകയാണ് കോണ്ഗ്രസ്. പ്രതാപകാലത്തേയ്ക്ക് തിരിച്ച് നടക്കണമെങ്കില് കോണ്ഗ്രസിന് വൈഎസ്ആറിന്റെ ഓര്മ്മകളും മകള് ശര്മ്മിളയുടെ കൈത്താങ്ങും അത്യാവശ്യമാണ്. വൈഎസ് രാജശേഖര റെഡ്ഡിയുടെ മകള് ശര്മ്മിളയാണ് ഈ തിരഞ്ഞെടുപ്പില് കോണ്ഗ്രസിനെ നയിക്കുന്നത്. കോണ്ഗ്രസില് നിന്ന് വിട്ട് വൈഎസ്ആര് കോണ്ഗ്രസും പിന്നീട് വൈഎസ്ആര്ടിപിയും രൂപീകരിക്കാന് മുന്കൈയ്യെടുത്ത ശര്മ്മിള കോണ്ഗ്രസിലേക്ക് മടങ്ങിയെത്തിരുന്നു. നിലവില് ആന്ധ്രയിലെ പിസിസി അധ്യക്ഷയാണ് ശര്മ്മിള. 25 ലോക്സഭാ സീറ്റുള്ള ആന്ധ്രയില് കോണ്ഗ്രസിന്റെ തിരഞ്ഞെടുപ്പ് പ്രചാരണത്തിന്റെ കുന്തമുനയും ശര്മ്മിളയാണ്.
ശര്മ്മിള കോണ്ഗ്രസിന് വേണ്ടി രംഗത്ത് വന്നതോടെ സംസ്ഥാനത്തെ നിയമസഭാ, ലോക്സഭാ തിരഞ്ഞെടുപ്പ് കുടുംബ പോരാട്ടത്തിന്റെ വേദി കൂടിയാവുകയാണ്. വൈഎസ്ആര് റെഡ്ഡിയുടെ കുടുംബം രണ്ട് തട്ടില് നിന്നുകൊണ്ടുള്ള പോരാട്ടം. വൈഎസ്ആറിന്റെ മകനായ വൈ എസ് ജഗന്മോഹന് റെഡ്ഡിയുടെ വൈഎസ്ആര് കോണ്ഗ്രസാണ് ഒരു ഭാഗത്ത്. സഹോദരി വൈ എസ് ശര്മ്മിളയുടെ നേതൃത്വത്തില് കോണ്ഗ്രസ് ഇടതുപാര്ട്ടികളുമായി ചേര്ന്നാണ് മത്സരിക്കുന്നത്. ബിജെപി - ടിഡിപി - ജനസേനാ എന്നിവര് ചേരുന്ന എന്ഡിഎ സഖ്യം മൂന്നാംശക്തിയാണ്. ഈ നിലയില് ലോക്സഭാ-നിയമസഭാ തിരഞ്ഞെടുപ്പുകളില് ത്രികോണ മത്സരത്തിനാണ് ആന്ധ്ര തയ്യാറെടുക്കുന്നത്.
" f
https://www.facebook.com/Malayalivartha
