ബിജെപി ദേശീയ അധ്യക്ഷയായി സ്മൃതി ഇറാനിയെ അവതരിപ്പിക്കാന് ബിജെപിയില് തന്ത്രപരമായ നീക്കം... അമേഠിയില് പരമ ദയനീയമായി തോറ്റ സ്മൃതിയെ വീണ്ടും മന്ത്രിസഭയില് ഉള്പ്പെടുത്താന്, നീക്കമുണ്ടായെങ്കിലും തല്ക്കാലം വേണ്ടെന്ന നീക്കത്തിലാണ് ബിജെപി നേതൃത്വം...
ബിജെപി ദേശീയ അധ്യക്ഷയായി സ്മൃതി ഇറാനിയെ അവതരിപ്പിക്കാന് ബിജെപിയില് തന്ത്രപരമായ നീക്കം. അമേഠിയില് പരമ ദയനീയമായി തോറ്റ സ്മൃതിയെ വീണ്ടും മന്ത്രിസഭയില് ഉള്പ്പെടുത്താന് നീക്കമുണ്ടായെങ്കിലും തല്ക്കാലം വേണ്ടെന്ന നീക്കത്തിലാണ് ബിജെപി നേതൃത്വം. പ്രിയങ്കാ ഗാന്ധി വയനാട്ടില് നിന്നും ലോക് സഭയിലെത്തുന്നതോടെ മറ്റൊരു ഇന്ദിരായുഗം ഇന്ത്യയില് ബിജെപി ആശങ്കപ്പെടുന്ന സാഹചര്യത്തിലാണ് ഒരു വനിതയെ ഇറക്കി പ്രതിരോധിക്കാനുള്ള രാഷ്ട്രീയതന്ത്രം.ഇതിനു തടയിടാനാണ് ജെ.പി. നഡ്ഡയുടെ പിന്ഗാമിയായി സ്മൃതി ഇറാനിയെ പാര്ട്ടിയുടെ അധ്യക്ഷയാക്കാനുള്ള ബിജെപിയുടെ നീക്കം.
അപ്രതീക്ഷിതമായി ബിജെപി രാഷ്ട്രീയത്തിലെത്തുകയും 2019ല് അമേഠിയില് രാഹുല് ഗാന്ധിയെ അന്പതിനായിരം വോട്ടുകള്ക്ക് തോല്പ്പിക്കുകയും ചെയ്തതോടെയാണ് സ്മൃതി ഇറാനി ഇന്ത്യയിലെ ഗ്ലാമര്താരമായി കേന്ദ്രമന്ത്രിസഭയില് ഇടംപിടിച്ചത്.മാനവശേഷി മന്ത്രിയെന്ന നിലയില് ഇവര് കാര്യമായ പ്രാഗത്ഭ്യം തെളിയിച്ചില്ലെന്നു മാത്രമല്ല ഒട്ടേറെ വിവാദങ്ങള് പല അവസരങ്ങളില് ഇവര് വിളമ്പുകയും ചെയ്തിട്ടുണ്ട്. അമേഠിയില് ഇത്തവണ മത്സരിച്ച വേളയില് എതിര് സ്ഥാനാര്ഥി കിഷോരി ശര്മയെയും രാഹുല് ഗാന്ധിയെയും ഏറെ പുശ്ചത്തോടെ സംസാരിച്ച് ഇവര് വിവാദം സൃഷ്ടിച്ചിരുന്നു.രാഹുലിന്റെ വീട്ടിലെ അടുക്കളക്കാരന് എന്നു വരെ കിഷോരിയെ ഇവര് അധിക്ഷേപിച്ചതിനുള്ള വലിയ തിരിച്ചടിയാണ് അമേഠിയില് നേരിടേണ്ടിവന്നത്. ബിജെപിക്ക് ഉത്തര്പ്രദേശില് ഏറ്റവും നാണക്കെട്ട തോല്വിയായിരുന്നു അമേഠിയിലും റായ്ബറേലിയിലും ബിജെപിക്കു നേരിടേണ്ടിവന്നത്.
കോണ്ഗ്രസിന്റെ അത്രയൊന്നും അറിയപ്പെടാത്ത സ്ഥാനാര്ഥി കിഷോരി ലാല് ശര്മയോട് ഒന്നര ലക്ഷത്തിലധികം വോട്ടുകള്ക്കാണ് സ്മൃതി ഇറാനി പരാജയപ്പെട്ടത്.സ്മൃതി തെരഞ്ഞെടുക്കപ്പെട്ടാല് ഇതാദ്യമായിരിക്കും ബിജെപിക്ക് വനിതാ അധ്യക്ഷയുണ്ടാവുക. 1980-ല് ബിജെപി രൂപവത്കൃതമായ ശേഷം ഇതുവരെ ഒരു വനിത പ്രസിഡന്റ് സ്ഥാനത്ത് എത്തിയിട്ടില്ല. മുന് പ്രധാനമന്ത്രി അടല് ബിഹാരി വാജ്പേയിയായിരുന്നു പാര്ട്ടിയുടെ ആദ്യത്തെ അധ്യക്ഷന്. പിന്നീട് എല്.കെ. അദ്വാനി, മുരളി മനോഹര് ജോഷി, കുശഭാവു താക്കറെ, ബംഗാരു ലക്ഷ്മണ്, ജന കൃഷ്ണമൂര്ത്തി, വെങ്കയ്യ നായിഡു, രാജ്നാഥ് സിംഗ്, നിതിന് ഗഡ്കരി, അമിത് ഷാ, ജെ.പി. നദ്ദ എന്നിവര് ബിജെപിയുടെ അധ്യക്ഷന്മാരായി. 2019ല് പാര്ട്ടിയുടെ വര്ക്കിങ് പ്രസിഡന്റായി ചുമതലയേറ്റ നഡ്ഡ 2020 ജനുവരിയില് മുഴുവന് സമയ പ്രസിഡന്റായി.
2003ലാണ് സ്മൃതി ഇറാനി ബി.ജെ.പി.യില് ചേര്ന്നത്. 2004-ലെ തിരഞ്ഞെടുപ്പില് ഡല്ഹിയിലെ ചാന്ദ്നി ചൗക്ക് ലോക്സഭാ മണ്ഡലത്തില് കപില് സിബലിനെതിരെ മത്സരിച്ച് സ്മൃതി ദയനീയമായി പരാജയപ്പെട്ടു. യുവമോര്ച്ചയുടെ സംസ്ഥാന ഉപാധ്യക്ഷയായും ബി.ജെ.പി ദേശീയസമിതിയംഗമായും പ്രവര്ത്തിച്ചശേഷം 2011-ല് ഗുജറാത്തില്നിന്ന് രാജ്യസഭയിലെത്തി. 2014 ലെ ലോക്സഭാ തെരഞ്ഞെടുപ്പില് ഉത്തര്പ്രദേശിലെ അമേഠി ലോക്സഭാ മണ്ഡലത്തില് രാഹുല് ഗാന്ധിക്കെതിരേ മത്സരിച്ചു പരാജയപ്പെട്ടെങ്കിലും രണ്ടാം അങ്കത്തില് ഇവര് രാഹുല് ഗാന്ധിയെ പരാജയപ്പെടുത്തി.തുടക്കം മുതല് വിവാദങ്ങള് ഇവരുടെ കൂടെപ്പിറപ്പാണ്. മോദി മന്ത്രിസഭയില് കേന്ദ്ര മാനവവിഭവശേഷി മന്ത്രിയായി സ്ഥാനമേറ്റതിനെത്തുടര്ന്ന് സ്മൃതി ഇറാനിയുടെ വിദ്യാഭ്യാസയോഗ്യത സംബന്ധിച്ച് ഏറെ വിവാദമുണ്ടായിരുന്നു.
വിദ്യാഭ്യാസവകുപ്പ് കൈകാര്യം ചെയ്യേണ്ട കാബിനറ്റ് മന്ത്രിക്ക് ബിരുദം പോലുമില്ലെന്ന് കോണ്ഗ്രസ് നേതാക്കള് അക്കാലത്ത് ആരോപണം ഉന്നയിച്ചിരുന്നു. വിദ്യാഭ്യാസയോഗ്യത സംബന്ധിച്ച് സ്മൃതി തെറ്റായ വിവരം നല്കിയെന്നും അക്കാലത്ത് കടുത്ത ആരോപണമുണ്ടായി. 2004-ലെ ലോക്സഭാ തിരഞ്ഞെടുപ്പില് ഡല്ഹിയിലെ ചാന്ദ്നി ചൗക്കില്നിന്ന് മത്സരിക്കുമ്പോള് നല്കിയ സത്യവാങ്മൂലത്തില് ഡല്ഹി സര്വകലാശാലയുടെ വിദൂരവിദ്യാഭ്യാസംവഴി 1996-ല് ബി.എ ബിരുദം പൂര്ത്തിയാക്കിയെന്നാണ് സ്മൃതി അവകാശപ്പെട്ടിരുന്നത്.
പതിനാറാം ലോക്സഭാ തിരഞ്ഞെടുപ്പില് അമേഠിയില് രാഹുല്ഗാന്ധിക്കെതിരെ മത്സരിക്കുമ്പോള് നല്കിയ സത്യവാങ്മൂലത്തിലാകട്ടെ, ഡല്ഹി സര്വകലാശാലയുടെ വിദൂരവിദ്യാഭ്യാസംവഴി 1994-ല് കോമേഴ്സ് ബിരുദത്തിന്റെ ഒന്നാം പാര്ട്ട്, അഥവാ ഒന്നാംവര്ഷം പൂര്ത്തിയാക്കിയെന്നാണ് കാണിക്കുന്നതെന്ന് മാധ്യമങ്ങള് റിപ്പോര്ട്ട് ചെയ്തിരുന്നു. യഥാര്ഥത്തില് ഇവര്ക്ക് പത്താം ക്ലാസ് യോഗ്യത പോലുമില്ലെന്ന ആരോപണങ്ങളും പുറത്തുവന്നിരുന്നു.
കോണ്ഗ്രസ് നേതാക്കളോടും ഗാന്ധി കുടുംബത്തോടും കടുത്ത ശത്രുത പുലര്ത്തുന്ന സമീപനമാണ് സ്മൃതി ഇറാനിയോട്.പ്രിയങ്കാ ഗാന്ധി ഏറെ വൈകാതെ വയനാട്ടില് നിന്നും വന്ഭൂരിപക്ഷത്തോടെ ലോക്സഭയില് എത്തുന്നതും രാഹുലും പ്രിയങ്കയും ബിജെപിക്ക് കടുത്ത ഭീഷണി ഉയര്ത്തുകയും ചെയ്യാവുന്ന സാഹചര്യത്തിലാണ് സ്മൃതി ഇറാനിയെ പാര്ട്ടി അധ്യക്ഷ പദവിയിലേക്കുയര്ത്താന് ബിജെപിയുടെ പടനീക്കം. സ്മൃതി പാര്ട്ടി അധ്യക്ഷയെന്ന നിലയില് നേട്ടമാകുമോ എന്ന് ബിജെപിയില് മാത്രമല്ല ആര്എസ്എസിലും ആശങ്കയുള്ള വലിയൊരു വിഭാഗമുണ്ട്.
https://www.facebook.com/Malayalivartha
