മുഖ്യമന്ത്രി ജയലളിതയുടെ അറുപത്തിയെട്ടാം പിറന്നാള്‍ ഇന്ന് .തമിഴ്‌നാട്ടില്‍ എവിടെ തിരിഞ്ഞാലും 68 മാത്രം. ചെന്നൈയില്‍ ഇന്നുജനിക്കുന്ന ഓരോ കുട്ടികളുടെയും പേരില്‍ കോര്‍പറേഷന്‍ 10,000 രൂപ വീതം ബാങ്കില്‍ സ്ഥിരനിക്ഷേപം നടത്തുന്നതടക്കം പിറന്നാള്‍ ക്ഷേമ പദ്ധതികള്‍ പലത്.

വിവിധ ഭാഗങ്ങളിലെ ക്ഷേത്രങ്ങളില്‍ ജയലളിതയ്ക്കുവേണ്ടി പ്രത്യേക വഴിപാടുകള്‍, ജയയുടെ ചിത്രം പച്ചകുത്താനായി പ്രത്യേക ക്യാംപുകള്‍, അമ്മ ന്യായവില ഭക്ഷണശാലയില്‍ സൗജന്യ ഭക്ഷണവിതരണം. അങ്ങനെ ഇന്ന് പൊടിപൂരം. തമിഴ് മക്കള്‍ക്ക് ഇപ്പോള്‍ '68' വെറും സംഖ്യയല്ലെന്നു മനസ്സിലാക്കണമെങ്കില്‍ ഈ പദ്ധതികള്‍ നോക്കൂ.
സംസ്ഥാനമൊട്ടാകെ നടുന്നത് 68 ലക്ഷം മരങ്ങള്‍; 68 ക്ഷേത്രങ്ങളിലും മരങ്ങള്‍ നടും. പിന്നാക്ക വിഭാഗങ്ങള്‍ക്കായി ഉദ്ഘാടനം ചെയ്തത് 68 സര്‍ക്കാര്‍ ഹോസ്റ്റലുകള്‍; ചെലവ് 68 കോടി. തമിഴ്‌നാട് സംസ്ഥാന ചെസ് അസോസിയേഷന്‍ ചെസ് മല്‍സരത്തില്‍ 68 വിജയികള്‍; സമ്മാനത്തുക 68,000 രൂപ.
അണ്ണാ ഡിഎംകെ നടത്തുന്ന സമൂഹവിവാഹങ്ങളിലെ ദമ്പതികളുടെ എണ്ണം 68. പിറന്നാളിനു ചെന്നൈ കോര്‍പറേഷന്‍ നടപ്പാക്കുന്നത് 68 പദ്ധതികള്‍
ഭിന്ന ലിംഗ വിഭാഗത്തില്‍ പെട്ട 68 പേരെ ആദരിക്കല്‍, 68 വനിതകള്‍ പങ്കെടുക്കുന്ന കോലമിടല്‍ മല്‍സരം
മട്ടുപ്പാവ് കൃഷി നടത്തുന്ന 68 പേരെ ആദരിക്കല്‍, കോര്‍പറേഷന്റെ 200 വാര്‍ഡുകളില്‍ 68 ആല്‍മരങ്ങള്‍ വീതം നടല്‍,68 ജലാശയങ്ങളില്‍ നിന്ന് മാലിന്യങ്ങള്‍ നീക്കം ചെയ്യല്‍, 68,000 മരത്തൈകളുടെ വിതരണം, പ്രമേഹവും രക്ത സമ്മര്‍ദവും പരിശോധിക്കാനായി 68 ക്യാംപുകള്‍ , 68 വെള്ളക്കെട്ടുകളില്‍ കൊതുകുലാര്‍വകളെ നശിപ്പിക്കാനായി ഗംബൂസിയ മല്‍സ്യങ്ങളെ വിട്ടയയ്ക്കുന്ന പ്രത്യേക പദ്ധതിയും കോര്‍പറേഷന്‍ നടപ്പാക്കുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha