ആന്ധ്രാപ്രദേശില്‍ നിന്നും കഞ്ചാവ് വാങ്ങി ബാഗുകളിലാക്കി കേരളത്തിലേക്കെത്തിയ യുവാക്കള്‍ അറസ്റ്റില്‍...
കഞ്ചാവ് വാങ്ങി ബാഗുകളിലാക്കി കേരളത്തിലേക്കെത്തിയ യുവാക്കള്‍ അറസ്റ്റിലായി. ആന്ധ്രയില്‍ നിന്നും കേരളത്തിലേക്ക് വരുന്ന വഴി കേരള -തമിഴ്‌നാട് അതിര്‍ത്തിയില്‍ ഡാന്‍സാഫ്-പൊലീസ് ടീം നടത്തിയ പരിശോധനയിലാണ് തമിഴ്നാട്ടില്‍ നിന്ന് കേരളത്തിലേക്ക് കടത്തിയ 10 കിലോ കഞ്ചാവുമായി ക്രിമിനല്‍ കേസ് പ്രതിയുള്‍പ്പെടെ രണ്ടുപേര്‍ പിടിയിലായത്.
നീറമണ്‍കര സ്വദേശി സനോജ് സാബു (24), നേമം കൈമനം സ്വദേശി ആര്‍. വിഷ്ണുരാജ് (28) എന്നിവരാണ് ഇന്നലെ അറസ്റ്റിലായത്. ദേശീയപാതയില്‍ പാറശാലയില്‍ നടന്ന വാഹനപരിശോധനയിലാണ് പ്രതികള്‍ വലയിലായത്. ആന്ധ്രാപ്രദേശില്‍ നിന്ന് വാങ്ങിയ കഞ്ചാവുമായി നാഗര്‍കോവില്‍ വഴി തിരുവനന്തപുരത്ത് എത്തിച്ച് ചില്ലറ വില്‍പ്പന നടത്താനായിരുന്നു ശ്രമം.
സംശയം തോന്നാതിരിക്കാനായി കെഎസ്ആര്‍ടിസി ബസിലായിരുന്നു യാത്ര. എന്നാല്‍ ,ഇവര്‍ സഞ്ചരിച്ച കെഎസ്ആര്‍ടിസി ബസ് പരിശോധിച്ചതോടെ ഇരുവരും കുടുങ്ങുകയായിരുന്നു. പ്രതികളെ ഇന്ന് കോടതിയില്‍ ഹാജരാക്കും. വിഷ്ണുരാജ് കൊലപാതക കേസിലും പ്രതിയാണെന്ന് പൊലീസ് .
"
https://www.facebook.com/Malayalivartha
