38 അന്താരാഷ്ട്ര വിമാനസര്‍വീസുകള്‍ വെട്ടിക്കുറയ്ക്കുമെന്ന് എയര്‍ഇന്ത്യ
ജൂണ്‍ 21-നും ജൂലായ് 15-നും ഇടയില്‍ ആഴ്ചയില്‍ 38 അന്താരാഷ്ട്ര വിമാനസര്‍വീസുകള്‍ വെട്ടിക്കുറയ്ക്കുമെന്നും മൂന്ന് വിദേശസര്‍വീസുകള്‍ റദ്ദാക്കുമെന്നും എയര്‍ ഇന്ത്യ.
വൈഡ് ബോഡി (കൂടുതല്‍ യാത്രക്കാരെയും കാര്‍ഗോയും ഉള്‍ക്കൊള്ളുന്ന) അന്താരാഷ്ട്ര വിമാനസര്‍വീസുകള്‍ 15 ശതമാനം കുറയ്ക്കാന്‍ നേരത്തേ തീരുമാനിച്ചിട്ടുണ്ടായിരുന്നു. ഡല്‍ഹി-നെയ്റോബി റൂട്ടിലെ നാലു സര്‍വീസുകള്‍, അമൃത്സര്‍-ലണ്ടന്‍, ഗോവ-ലണ്ടന്‍ റൂട്ടിലെ മൂന്നുവീതം സര്‍വീസുകളുമാണ് റദ്ദാക്കിയത്.
നിയന്ത്രണങ്ങള്‍ മൂലം ബുദ്ധിമുട്ടിലായ യാത്രക്കാരോട് ക്ഷമ ചോദിച്ച എയര്‍ ഇന്ത്യ, ഇവര്‍ക്ക് ബദല്‍ വിമാനങ്ങളില്‍ സൗകര്യമൊരുക്കുകയോ അല്ലെങ്കില്‍ മുന്‍ഗണന അനുസരിച്ച് മുഴുവന്‍ പണവും റീഫണ്ട് ചെയ്യാമെന്നോ അറിയിച്ചിട്ടുണ്ട്.
അഹമ്മദാബാദ് വിമാനാപകടത്തിന്റെ പശ്ചാത്തലത്തില്‍, സുരക്ഷാപരിശോധന കര്‍ശനമാക്കാനായി എയര്‍ ഇന്ത്യ ഉടമകളായ ടാറ്റഗ്രൂപ്പ് തീരുമാനിച്ചിട്ടുണ്ടായിരുന്നു. ഇതിന്റെ ഭാഗമായാണ് സര്‍വീസുകള്‍ കുറയ്ക്കുന്നത്.
"
https://www.facebook.com/Malayalivartha
