സുരക്ഷാപിഴവ് ആവര്‍ത്തിച്ചാല്‍ ലൈസന്‍സ് റദ്ദാക്കും... എയര്‍ ഇന്ത്യക്ക് താക്കീതുമായി സിവില്‍ വ്യോമയാന ഡയറക്ടറേറ്റ്
സുരക്ഷാപിഴവ് ആവര്‍ത്തിച്ചാല്‍ ലൈസന്‍സ് റദ്ദാക്കുമെന്ന് എയര്‍ ഇന്ത്യക്ക് സിവില്‍ വ്യോമയാന ഡയറക്ടറേറ്റ് (ഡിജിസിഎ) യുടെ താക്കീത്. പൈലറ്റ്, ക്രൂ ഡ്യൂട്ടി ക്രമീകരണത്തില്‍ വീഴ്ച വരുത്തിയതിന് മൂന്ന് ഉദ്യോഗസ്ഥര്‍ക്കെതിരെ നടപടിയെടുക്കാനായി ഡിജിസിഎ എയര്‍ ഇന്ത്യയോട് നിര്‍ദേശിച്ചിട്ടുണ്ടായിരുന്നു.
കൃത്യമായ വിശ്രമം, ലൈസന്‍സ്, പ്രവര്‍ത്തന പരിചയം എന്നിവ സംബന്ധിച്ച മാനദണ്ഡങ്ങള്‍ പാലിക്കാതെ ജീവനക്കാരെ തുടര്‍ച്ചയായി ഡ്യൂട്ടിക്ക് നിയോഗിച്ചു എന്ന് കണ്ടത്തിയതിനെ തുടര്‍ന്നായിരുന്നു നടപടി. ഗുരുതര ചട്ടലംഘനങ്ങള്‍ ആവര്‍ത്തിച്ചാല്‍ ഓപ്പറേറ്റിങ് ലൈസന്‍സ് താല്‍ക്കാലികമായി നിര്‍ത്തിവയ്ക്കുകയോ പിന്‍വലിക്കുകയോ ചെയ്യുമെന്നും എയര്‍ ഇന്ത്യക്ക് ഡിജിസിഎ ശക്തമായ മുന്നറിയിപ്പ് നല്‍കി.
കാലഹരണപ്പെട്ട ഉപകരണങ്ങള്‍ പ്രവര്‍ത്തിപ്പിച്ച് വിമാനം പറത്തിയതില്‍ കമ്പനിയെ നേരത്തെ ഡിജിസിഎ താക്കീത് ചെയ്തിട്ടുണ്ടായിരുന്നു.
"
https://www.facebook.com/Malayalivartha
