എയർ ഇന്ത്യ എക്സ്പ്രസ് വിമാനം തിരിച്ചിറക്കി. ഡൽഹി വിമാനത്താവളത്തിൽ നിന്നും ജമ്മുകശ്മീരിലേക്ക് തിരിച്ച എയർ ഇന്ത്യ എക്സ്പ്രസ് വിമാനമാണ് തിരിച്ചിറക്കിയത് സാങ്കേതിക തകരാറിനെ തുടർന്നായിരുന്നു അടിയന്തരമായി ലാൻഡിങ് .

ജമ്മുകശ്മീരിലേക്ക് പോയ IX2564 വിമാനത്തിലായിരുന്നു സാങ്കേതിക തകരാർ ഉണ്ടായത്. വിമാനം പുറപ്പെട്ടതിന് മിനിറ്റുകൾക്ക് പിന്നാലെ തിരിച്ചിറക്കി. പകരമായി മറ്റൊരു വിമാനം സർവീസ് നടത്തിയിരുന്നു . യാത്രക്കാർക്ക് വേണ്ട എല്ലാ സൗകര്യങ്ങളും വിമാനത്താവളത്തിൽ സജ്ജമാക്കിയിരുന്നു.

ലണ്ടനിൽ നിന്ന് മുംബൈയിലേക്ക് പുറപ്പെട്ട എയർ ഇന്ത്യ വിമാനത്തിൽ അഞ്ച് യാത്രക്കാർക്കും രണ്ട് ജീവനക്കാർക്കും ദേഹാസ്വാസ്ഥ്യം അനുഭവപ്പെട്ടു. എന്നാൽ വിമാനം സുരക്ഷിതമായിത്തന്നെ മുംബൈയിൽ ലാന്റ് ചെയ്തെന്നും ജീവനക്കാർക്കും യാത്രക്കാർക്കും വൈദ്യസഹായം നൽകിയെന്നും എയർ ഇന്ത്യ വക്താവ് അറിയിച്ചു.