കാറപടകത്തില്‍ പരുക്കേറ്റവരെ സഹായിക്കാനും അവര്‍ ആശുപത്രിയിലെത്തിയെന്ന് ഉറപ്പാക്കാനും താന്‍ ശ്രമിച്ചെന്ന കേന്ദ്രമന്ത്രി സമൃതി ഇറാനിയുടെ വാദം തെറ്റെന്ന് അപകടത്തില്‍ മരിച്ച ഡോക്ടറുടെ മകള്‍. ശനിയാഴ്ച രാത്രിയാണ് യമുന എക്‌സ്പ്രസ് വേയില്‍ സ്മൃതി ഇറാനിയുടെ വാഹനവ്യൂഹത്തിലുള്‍പ്പെട്ട വാഹനം ബൈക്കിലിടിച്ച് യുവ ഡോക്ടര്‍ രമേഷ് നഗര്‍ മരിച്ചത്. ഒപ്പമുണ്ടായിരുന്ന മകള്‍ സന്ദാലിക്കും അനന്തരവന്‍ പങ്കജിനും പരുക്കേറ്റു. അപകടത്തില്‍പ്പെട്ട വാഹനം മന്ത്രിയുടെ വ്യൂഹത്തില്‍ ഉള്‍പ്പെട്ടതല്ലെന്നു കേന്ദ്ര മാനവശേഷി മന്ത്രാലയം പിന്നീടു വിശദീകരിച്ചിരുന്നു. അപകടത്തില്‍പ്പെട്ടവരെ സഹായിക്കാന്‍ താന്‍ ശ്രമിച്ചെന്ന് മന്ത്രി ട്വിറ്ററിലൂടെ അറിയിക്കുകയും ചെയ്തു. എന്നാല്‍ തങ്ങള്‍ സഞ്ചരിച്ച ബൈക്കിനെ ഒരു വാഹനം പിന്നില്‍നിന്ന് ഇടിക്കുകയായിരുന്നെന്നും ഇതു മന്ത്രിയുടേതാണെന്നും സന്ദാലി മാധ്യമപ്രവര്‍ത്തകരോടു പറഞ്ഞു. സഹായിക്കണമെന്നു താന്‍ അഭ്യര്‍ഥിച്ചെങ്കിലും അവര്‍ അതിനു തയാറായില്ലെന്നും യഥാസമയത്ത് സഹായം ലഭിച്ചിരുന്നെങ്കില്‍ തന്റെ പിതാവ് രക്ഷപ്പെടുമായിരുന്നെന്നും സന്ദാലി പറഞ്ഞു. മന്ത്രി കാറില്‍നിന്ന് ഇറങ്ങിവന്നു നോക്കിയെന്നും എന്നാല്‍, സഹായിക്കുന്നതിനു പകരം ഉടന്‍ മടങ്ങിപ്പോകുകയായിരുന്നെന്നും സന്ദാലി പറഞ്ഞതായി സഹോദരന്‍ അഭിഷേക് പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha