പരീക്ഷയ്ക്ക് തോറ്റു: വിദ്യാര്ത്ഥിനികള് സ്കൂളിലെ വസ്തുക്കള് അടിച്ചു തകര്ത്തു
പരീക്ഷയ്ക്ക് തോറ്റതിനെ തുടര്ന്ന് പെണ്കുട്ടികള് സ്കൂള് ഉപകരണങ്ങള് അടിച്ചു തകര്ത്തു. ഡല്ഹിയുടെ വടക്കുകിഴക്കന് മേഖലയിലുള്ള ഗവണ്മെന്റ് ഗേള്സ് സീനിയര് സെക്കന്ററി സ്കൂളിലാണ് സംഭവം. ഒമ്പത്, പതിനൊന്ന്, ക്ലാസ്സുകളിലെ വിദ്യാര്ത്ഥിനികള് ചേര്ന്നാണ് സ്കൂളിലെ വസ്തുക്കള് അടിച്ചു തകര്ത്തത്. സ്കൂളിലെ ഡെസ്കും ബഞ്ചും കസേരകളും ഫാനും ലൈറ്റും എല്ലാം വിദ്യാര്ത്ഥിനികള് അടിച്ചു തകര്ത്തു
ഒമ്പതിലും പതിനൊന്നിലുമായി പരീക്ഷയെഴുതിയവരില് ഏകദേശം അറുനൂറോളം കുട്ടികളാണ് തോറ്റത്. ആദ്യം പ്രിന്സിപ്പലിന്റെ റൂം ഉപരോധിച്ച വിദ്യാര്ത്ഥിനികള് വളരെ വേഗം സംഘടിച്ച് അക്രമം നടത്തുകയായിരുന്നു. പ്രിന്സിപ്പലിനെ ഇവര് മുറിയില് പൂട്ടിയിട്ടു.
സ്കൂളില് ക്ലാസ് നടക്കുന്നതിനിടയിലായിരുന്നു സംഭവം. പല മുറികളിലും ക്ലാസ്സുകള് നടക്കുന്നുണ്ടായിരുന്നു. ഈ മുറികളുടെയെല്ലാം വാതിലുകള് പൂട്ടിയിട്ടു. അക്രമം നടന്ന സമയത്ത് പുറത്തുനിന്നും ആളുകള് സ്കൂളില് എത്തിയിരുന്നതായി സ്കൂള് മാനേജ്മെന്റ് കമ്മറ്റി മെമ്പര് സുശീല പറയുന്നു.
ഉടന് തന്നെ സ്കൂള് അധികൃതര് പോലീസിനെ വിളിച്ചു. പോലീസ് കുറച്ചു കുട്ടികളെ പോലീസ് കസ്റ്റഡിയിലെടുത്തിട്ടുണ്ട്. പോലീസില് കേസ് രജിസ്റ്റര് ചെയ്തതായി സ്കൂള് അധികൃതര് പറഞ്ഞു. സംഭവത്തെക്കുറിച്ച് അന്വേഷിച്ചുവരികയാണെന്ന് വിദ്യാഭ്യാസ വകുപ്പ് അധികൃതര് പറഞ്ഞു.
വെസ്റ്റ് ഡല്ഹിയിലുള്ള ഒരു സ്കൂളിലും സമാനമായ സംഭവം നടന്നു. മാര്ക്ക് കുറഞ്ഞതിനെ തുടര്ന്ന് ഒമ്പതാം ക്ലാസ് വിദ്യാര്ത്ഥികള് പ്രതിഷേധിക്കുകയായിരുന്നു. എന്നാല് പരീക്ഷാഫലത്തില് അസാധാരണമായി ഒന്നുമില്ലെന്ന നിലപാടിലാണ് സ്കൂള് അധികൃതര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
