ആര്‍.ബി.ഐ പുതിയ സാമ്പത്തിക വര്‍ഷത്തെ ആദ്യ പണവായ്പാനയം ഇന്ന് പ്രഖ്യാപിക്കും. വായ്പാനിരക്ക് കുറച്ച് ബാങ്കുകളുടെ പണലഭ്യതാ വര്‍ധനവിന് സഹായകരമായ തീരുമാനം ആര്‍.ബി.ഐ സ്വീകരിക്കുമെന്നാണ് കരുതുന്നത്. രാജ്യന്തര സാഹചര്യങ്ങളില്‍ നിന്നു വ്യത്യസ്തമായി ഇന്ത്യയില്‍ അനുകൂലഘടകങ്ങള്‍ നിലനില്‍ക്കുന്നതിനാല്‍ വാണിജ്യ വ്യവസായ ലോകം പ്രതീക്ഷയിലാണ്.

നാണയപ്പെരുപ്പനിരക്കും സാമ്പത്തിക വളര്‍ച്ചയും അനുകൂലഘടകമാണെന്ന വിലയിരുത്തലില്‍ റിസര്‍വ് ബാങ്ക്. 50 ശതമാനം നിരക്ക് കുറച്ചേക്കുമെന്നാണ് വാണിജ്യ വ്യവസായ ലോകത്തിന്റെ പ്രതീക്ഷ.
കഴിഞ്ഞ വായ്പാനയ പ്രഖ്യാപനത്തില്‍ ആര്‍.ബി.ഐ ഗവര്‍ണര്‍ രഘുറാ ംരാജന്‍ പലിശനിരക്കുകളില്‍ മാറ്റം വരുത്തിയിരുന്നില്ല. നിലവില്‍ റീപ്പോ നിരക്ക് 6.75 ശതമാനവും റിവേഴ്‌സ് റീപ്പോ 5.75 ശതമാനവുമാണ്. റീപ്പോ നിരക്കുകളില്‍ കുറവ് വരുത്തിയാല്‍ ബാങ്കുകളുടെ വായ്പാ പലിശനിരക്കില്‍ കുറവുവരുത്തണമെന്ന് രഘുറാം രാജന്‍ നിര്‍ദേശിച്ചേക്കും. ഫെബ്രുവരിയിലെ ഉപഭോക്തൃ വിലനിലവാര സൂചിക 5.2 ശതമാനമായി കുറഞ്ഞതും നിരക്കിളവിന് സാധ്യതവര്‍ധിപ്പിക്കുന്നു. പണ ലഭ്യത കുറവായതിനാല്‍ നിലവിലെ കരുതല്‍ ധനാനുപാതമായ നാല് ശതമാനത്തിലും ആര്‍.ബി.ഐ കുറവ് വരുത്തിയേക്കുമെന്നാണ് ബാങ്കിങ് മേഖലയുടെ പ്രതീക്ഷ. 

വാണിജ്യബാങ്കുകളിലെ പലിശനിരക്കുകള്‍ ഉയര്‍ന്ന തോതില്‍ തുടരുന്നത് ഇന്ത്യയുടെ സാമ്പത്തിക വ്യവസ്ഥയ്ക്കും അതിലുപരി ജനങ്ങള്‍ക്കും ഉപകാരപ്രദമല്ലെന്ന് കേന്ദ്രധനമന്ത്രി അരുണ്‍ ജയ്റ്റ്‌ലിയും അഭിപ്രായപ്പെട്ടിരുന്നു. ചെറുകിട സമ്പാദ്യ പദ്ധതികള്‍ക്കുള്ള പലിശനിരക്കുകള്‍ സര്‍ക്കാര്‍ വെട്ടിക്കുറച്ചതോടെ നിക്ഷേപങ്ങളുടെ പലിശനിരക്ക് കുറയ്ക്കാന്‍ വാണിജ്യ ബാങ്കുകള്‍ ഉടന്‍ തീരുമാനമെടുക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha