പഠാന്കോട്ട് ഭീകരാക്രമണം ഇന്ത്യയുടെ നാടകമെന്ന് പാക്ക് മാധ്യമങ്ങള്
പഠാന്കോട്ട് വ്യോമതാവളത്തിലെ ഭീകരാക്രമണവും പാക്ക് പ്രത്യേക അന്വേഷണ സംഘത്തെ പ്രവേശിക്കാന് അനുവദിച്ചതും ഇതുമായി ബന്ധപ്പെട്ട് നടത്തിയ അന്വേഷണവും ഇന്ത്യയുടെ നാടകമെന്ന് പാക്ക് മാധ്യമങ്ങള്. കേസ് അന്വേഷിക്കുന്ന പാക്കിസ്ഥാനിലെ പ്രത്യേക അന്വേഷണ സംഘത്തെ ഉദ്ധരിച്ചാണ് പാക്ക് മാധ്യമമായ ദ് പാക്കിസ്ഥാന് ടുഡെ ഇക്കാര്യം റിപ്പോര്ട്ട് ചെയ്തിരിക്കുന്നത്. റിപ്പോര്ട്ട് രണ്ടു ദിവസത്തിനകം പാക്ക് പ്രധാനമന്ത്രി നവാസ് ഷെരീഫിനു സമര്പ്പിക്കും.
അതേസമയം, പാക്ക് ആരോപണത്തിനെതിരെ ഇന്ത്യയും രംഗത്തെത്തി. പഠാന്കോട്ട് ഭീകരാക്രമണത്തിന് പിന്നില് ഇന്ത്യയാണെന്ന നിലപാട് ഐഎസ്ഐയുടെയും പാക്ക് സൈന്യത്തിന്റെയും ഇരട്ടത്താപ്പാണെന്ന് ഇന്ത്യന് വിദേശകാര്യ മന്ത്രാലയം പ്രതികരിച്ചു.
കൃത്യമായ തെളിവില്ലാതെ ചില പ്രത്യേക അജന്ഡ നടപ്പാക്കാനാണ് ഇന്ത്യ ശ്രമിക്കുന്നത്. ആക്രമണം നടത്തിയവരെ കുറിച്ച് ഇന്ത്യയ്ക്ക് മുന്കൂട്ടി അറിയാമായിരുന്നു. ഇന്ത്യന് സര്ക്കാര് പാക്കിസ്ഥാന് സംഘവുമായി സഹകരിച്ചില്ല. പാക്ക് സംഘത്തെ അന്വേഷണത്തില് നിന്നു വിലക്കുന്ന പ്രവര്ത്തനങ്ങളാണ് ഉണ്ടായത്. ഇന്ത്യന് സൈന്യവും ഭീകരരും ഏറ്റുമുട്ടിയ സമയവുമായി ബന്ധപ്പെട്ടും പാക്ക് സംഘം സംശയം പ്രകടിപ്പിച്ചു. ഏറ്റുമുട്ടല് ഏതാനും മണിക്കൂറുകള്ക്കുള്ളില് അവസാനിച്ചുവെന്നാണ് പാക്ക് സംഘം പറയുന്നത്. പാക്കിസ്ഥാന് ഭീകരവാദവുമായി ബന്ധപ്പെട്ടിരിക്കുകയാണെന്ന് ലോകത്തിനു മുന്നില് കാണിക്കുന്നതിനുള്ള ഇന്ത്യയുടെ നാടകമായിരുന്നു ബാക്കിയെല്ലാം അന്വേഷണ സംഘത്തെ ഉദ്ധരിച്ച് പാക്ക് മാധ്യമം റിപ്പോര്ട്ട് ചെയ്തു.
മാത്രമല്ല, ഭീകരര് പാക്കിസ്ഥാനില് നിന്നാണ് വന്നതെന്ന് തെളിയിക്കുന്നതിലും ഇന്ത്യ പരാജയപ്പെട്ടുവെന്നും റിപ്പോര്ട്ടില് പറയുന്നു. എല്ലാ ഭീകരരും മണിക്കൂറുകള്ക്കുള്ളില് തന്നെ ഏറ്റുമുട്ടലില് കൊല്ലപ്പെട്ടു. എന്നാല് പാക്കിസ്ഥാനെ അപമാനിക്കുന്നതിനും ലോകത്തിന്റെ ശ്രദ്ധ ലഭിക്കുന്നതിനുമായി ഇന്ത്യ മൂന്നു ദിവസത്തെ നാടകം നടത്തുകയായിരുന്നുവെന്നും പാക്ക് പ്രത്യേക അന്വേഷണ സംഘത്തെ ഉദ്ധരിച്ച് 'ദ് പാക്കിസ്ഥാന് ടുഡെ' റിപ്പോര്ട്ട് ചെയ്തു.
അഞ്ചംഗ പാക്ക് സംഘമാണ് കഴിഞ്ഞ മാസം അന്വേഷണത്തിനായി ഇന്ത്യയിലെത്തിയത്. ഇവര് പഠാന്കോട്ട് വ്യോമസേനാ താവളം സന്ദര്ശിക്കുകയും കേസിലെ 16 സാക്ഷികളെ കാണുകയും ചെയ്തിരുന്നു. ആക്രമണം നടന്ന സ്ഥലവും സന്ദര്ശിച്ചു. തീവ്രവാദികള് സഞ്ചരിച്ച വഴി, അവര് വാഹനം തട്ടിയെടുത്ത സ്ഥലം എന്നിവിടങ്ങളിലും സംഘം സന്ദര്ശനം നടത്തി. ആക്രമണത്തിന് ജയ്ഷെ മുഹമ്മദ് നടത്തിയ ഒരുക്കങ്ങളും അവര് കൈമാറിയ സന്ദേശങ്ങളും മറ്റു വിശദാംശങ്ങളും പാക്ക് സംഘത്തിന് എന്ഐഎ (ദേശീയ അന്വേഷണ ഏജന്സി) കൈമാറിയിരുന്നു.
പോസ്റ്റ്മോര്ട്ടം റിപ്പോര്ട്ടുകള്, ഡിഎന്എ റിപ്പോര്ട്ടുകള് തുടങ്ങിയവയും കൈമാറി. ആക്രമണത്തില് കൊല്ലപ്പെട്ട നാലു തീവ്രവാദികളുടെയും പേരും മേല്വിലാസവും എന്എഎ കൈമാറുകയും അവ സ്ഥിരീകരിക്കാന് പാക്ക് സംഘത്തോട് ആവശ്യപ്പെടുകയും ചെയ്തു. പഠാന്കോട്ട് വ്യോമസേനാ താവളത്തിലെ ഭീകരാക്രമണത്തെക്കുറിച്ച് അന്വേഷിക്കുന്ന എന്ഐഎ സംഘം പാക്കിസ്ഥാനിലേക്കു തെളിവെടുപ്പിനായി പോകാനും തീരുമാനിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
