ദലിത് യുവാവുമായി വിവാഹം: യുവതിയെ പിതാവും അമ്മാവന്മാരും ചേര്ന്ന് കൊന്ന് കെട്ടിത്തൂക്കി
പത്തൊന്പതുകാരി ദലിത് യുവാവുമായി ഒളിച്ചോടിയതിനെ തുടര്ന്ന് പിതാവും അമ്മാവന്മാരും ചേര്ന്ന് കൊലപ്പെടുത്തി. സംഭവം നടന്നത് കര്ണാടകയിലെ മാണ്ഡ്യ ജില്ലയിലാണ്. മോണിക്കയുടെ അച്ഛനെയും അമ്മാവനെയും കേസില് പോലീസ് അറസ്റ്റു ചെയ്തു.
മോണിക്കയുടെ മൃതദേഹം ഞായറാഴ്ച രാവിലെ തൂങ്ങിമരിച്ച നിലയിലാണ് കണ്ടെത്തിയത്. ബന്ധുക്കള് ആത്മഹത്യയെന്ന നിലപാടിലായിരുന്നു. മോണിക്കയുടേത് കൊലപാതകമെന്ന് തെളിഞ്ഞത് പൊലീസ് നടത്തിയ അന്വേഷണത്തിലാണ്.
മോണിക്ക ദലിത് വിഭാഗത്തില്പ്പെട്ട കാമുകനെ മാര്ച്ച് 28ന് വിവാഹം കഴിച്ചിരുന്നു. മാര്ച്ച് 30ന് ബന്ധുക്കള് മോണിക്കയെ മടക്കിക്കൊണ്ടുവന്നെങ്കിലും യുവാവിനെ ഉപേക്ഷിക്കാന് തയാറായില്ല. തുടര്ന്നായിരുന്നു കൊലപാതകം. അച്ഛനും അമ്മാവനും ചേര്ന്ന് യുവതിയെ കൊന്ന് കെട്ടിത്തൂക്കിയെന്നാണ് കേസ്. മോണിക്കയെ നിര്ബന്ധിച്ച് ആത്മഹത്യക്കുറിപ്പ് എഴുതിച്ചതായും തെളിഞ്ഞു.
മോണിക്കയുടെ മൃതദേഹം അവരുടെ കാര്ഷികഗ്രാമമായ തിമ്മാന ഹോസൂറില് പുലര്ച്ചെ തന്നെ സംസ്കരിക്കുകയും ചെയ്തു. പൊലീസ് സ്ഥലത്തെത്തിയപ്പോഴേക്കും സംസ്കാരം കഴിഞ്ഞിരുന്നു. ഇതാണ് സംശയമുയര്ന്നതിനുള്ള കാരണം. തുടര്ന്ന് മണിക്കൂറുകളോളം നടത്തിയ ചോദ്യം ചെയ്യലില് അവര് കുറ്റം സമ്മതിക്കുകയായിരുന്നുവെന്നും പൊലീസ് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
