പനാമ പേപ്പര് ചോര്ച്ചയില് കൂടുതല് ഇന്ത്യക്കാരുടെ പേരുകളുമായി രണ്ടാമത്തെ പട്ടികയും പുറത്ത്
നികുതിയിളവുള്ള വിദേശ രാജ്യങ്ങളില് നിക്ഷേപം നടത്തിയ കൂടുതല് ഇന്ത്യക്കാരുടെ പേരുകളുമായി രണ്ടാമത്തെ പട്ടികയും പുറത്തുവന്നു. നിരവധി ബിസിനസുകാരും വ്യവസായികളും ഉള്പ്പെടുന്ന രണ്ടാമത്തെ പട്ടിക ഇന്ത്യന് എക്സ്പ്രസാണ് പുറത്തുവിട്ടത്. 'പനാമ പേപ്പര്' ചോര്ച്ചയില് അന്വേഷണത്തിന് പ്രധാനമന്ത്രി ഉത്തരവിട്ടതിനു പിന്നാലെയാണ് രണ്ടാമത്തെ പട്ടികയും പുറത്തുവരുന്നത്. ലാറ്റിനമേരിക്കന് രാജ്യമായ പനാമ കേന്ദ്രീകരിച്ച് പ്രവര്ത്തിക്കുന്ന മൊസേക് ഫൊന്സേക്ക എന്ന കമ്പനി മുഖേന നികുതിയിളവ് ഉള്ള രാജ്യങ്ങളില് നിക്ഷേപം നടത്തിയവരുടെ രഹസ്യ വിവരങ്ങളാണ് പുറത്തുവന്നത്. മെഹ്റസണ്സ് ജ്വല്ലറി ഉടമ അശ്വനി കുമാര് മെഹ്റയ്ക്കും കുടുംബത്തിനും കള്ളപ്പണം നിക്ഷേപമുണ്ടെന്ന് ഇന്ത്യന് എക്സ്സപ്രസ് റിപ്പോര്ട്ട് ചെയ്യുന്നു. വ്യവസായികളായ ഗൗതം കരണ് താപ്പര്, സതീഷ് ഗോവിന്ദ് സംതാനി, വിഷ്ലാവ് ബഹാദൂര്, ഹരീഷ് മൊഹനാനി, മഹാരാഷ്ട്രയിലെ മുന് സര്ക്കാര് ദ്യോഗസ്ഥര് പ്രഭാഷ് സങ്കല എന്നിവരും പട്ടികയില് ഉണ്ട്. പൂനെ ആസ്ഥാനമായുള്ള സവ ഹെല്ത്ത്കെയര് ചെയര്മാന് വിനോദ് രാമചന്ദ്ര ജാധവ്, രഞ്ജീവ് ദഹൂജ, ബീല്സ് ഇന്റര്നാഷണല് കോര്പറേഷന് കപില് സെയ്ന് ഗോയല്, കാര്ഷിക ഉപകരണ കച്ചവടക്കാരന് വിവേക് ജെയ്ന് എന്നിവുരം പട്ടികയിലുള്ള പ്രമുഖരാണ്. ലോകത്തെ രാഷ്ട്രീയ, വ്യവസായ പ്രമുഖര് നടത്തിയ കള്ളപ്പണ നിക്ഷേപത്തിന്റെ വിവരങ്ങള് കഴിഞ്ഞ ദിവസമാണ് പുറത്തുവന്നത്. ഇന്ത്യയില് നിന്നും ബോളിവുഡ് താരങ്ങളും വന് വ്യവസായികളും ഉള്പ്പെടെ അഞ്ഞൂറോളം പേര് പട്ടികയില് ഉണ്ടായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
