കഴിഞ്ഞ മൂന്ന് ദിവസത്തിനിടെ 86 ഓളം കുട്ടികളാണ് ഓപ്പറേഷന്‍ സ്‌മൈലിന്റെ ഭാഗമായ് മാതാപിതാക്കള്‍ക്ക് അടുക്കല്‍ എത്തിയത്. റെയില്‍വേ സ്‌റ്റേഷനുകളിലൂടെ അലഞ്ഞു തിരിഞ്ഞു നടക്കുന്ന കുട്ടികളെയാണ് ഓപ്പറേഷന്‍ സ്‌മൈല്‍ പ്രവര്‍ത്തകര്‍ മാതാപിതാക്കളുടെ അടുക്കല്‍ തിരികെ എത്തിച്ചത്. കാണാതാകുന്ന കുട്ടികളെ കണ്ടെത്തുന്നതിനും അവരെ തിരികെ എത്തിക്കുന്നതിനുമായി പ്രവര്‍ത്തിക്കുന്നതാണ് ഓപ്പറേഷന്‍ സ്‌മൈല്‍.
അന്ങ്കുര്‍ എന്ന പതിനാറുകാരന്റെ കഥ ഇത്തരത്തിലുള്ള ഒന്നാണ്. അന്ങ്കുര്‍ കിഷോര്‍ എന്ന 16 കാരനെ പ്ലാറ്റ്‌ഫോമിലൂടെ അലഞ്ഞുതിരിഞ്ഞു നടക്കുന്ന രീതിയലാണ് കണ്ടെത്തിയത്. ഇന്‍ഡോറിലാണ് അന്ങ്കുറിന്റെ വീട്. സുവിധ എക്‌സ്പ്രസിലാണ് നഗരത്തില്‍ എത്തിയത്. റെയില്‍വേ പോലീസ് അന്ങ്കുറിനെ ചൈല്‍ഡ് ലൈന്‍ പ്രവര്‍ത്തകര്‍ക്ക് കൈമാറി.
അന്ങ്കുറിനോട് റെയില്‍വേ പോലീസ് കാര്യങ്ങള്‍ അന്വേഷിച്ചു. ഇന്‍ഡോറിലെ വീട്ടില്‍ നിന്നും വാടക നല്‍കാത്തതിനെ തുടര്‍ന്ന് അന്ങ്കുറിനെയും മാതാപിതാക്കളെയും വീട്ടുടമ ഇറക്കിവിട്ടു. തന്റെ സഹോദരിയെ അന്വേഷിക്കുന്നതിനായാണ് മുംബൈയില്‍ വന്നതെന്നും അന്ങ്കുര്‍ പറഞ്ഞു. എന്നാല്‍ അവള്‍ എവിടെയാണെന്ന് കണ്ടെത്തുന്നതിന് അങ്കുറിന് സാധിച്ചില്ല. തുടര്‍ന്ന് റെയില്‍വേ സ്‌റ്റേഷനുകളിലൂടെ അലഞ്ഞു തിരിഞ്ഞു നടക്കുകയായിരുന്നു. ഇപ്പോള്‍ അന്ങ്കുര്‍ ചൈല്‍ഡ് വെല്‍ഫെയര്‍ കമ്മറ്റിയുടെ കീഴില്‍ സുഖമായി കഴിയുന്നു.
ഇത്തരത്തില്‍ നിരവധി കുട്ടികളെയാണ് ഇവര്‍ സംരക്ഷിച്ചിരിക്കുന്നത്. കുട്ടികളുടെ മാതാപിതാക്കളെ കണ്ടെത്തി കുട്ടികളെ അവര്‍ക്ക് നല്‍കുന്നതിനും ഇവര്‍ക്ക് സാധിക്കുന്നുണ്ട്. ഓപ്പറേഷന്‍ സ്‌മൈലിന്റെ നേതൃത്വത്തില്‍ ഏകദേശം 10,000 കുട്ടികളെ രക്ഷിച്ചതായും ഇവര്‍ പറയുന്നു. ജനുവരിയില്‍ മാത്രം 1,102 കുട്ടികളെയാണ് മാതാപിതാക്കള്‍ക്ക് അടുത്ത് എത്തിക്കാനായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha