ബ്രിട്ടീഷ് വിര്‍ജിന് ദ്വീപുകളില്‍ രജിസ്റ്റര്‍ ചെയ്യപ്പെട്ട ക്രൗണ്‍മാര്‍ട്ട് ഇന്റര്‍നാഷണല്‍ ഗ്രൂപ്പ് ലിമിറ്റഡ് എന്ന കമ്പനിയിലാണ് നീര റാഡിയ നിക്ഷേപം നടത്തിയത്. കമ്പനിയുടെ 2004വരെയുള്ള രേഖകളില്‍ ഒപ്പു വച്ചിരിക്കുന്നത് നീരാ റാഡിയ തന്നെയാണ്. കമ്പനിയുടെ ഡയറക്ടര്‍ ബോര്‍ഡ് അംഗങ്ങളുടെ പട്ടികയിലും നീരാ റാഡിയയുടെ പേരുണ്ട്. ഈ രേഖകളില്‍ നീരാ റാഡിയ ബ്രിട്ടീഷ് പൗരത്വമുള്ള ആളാണ്.
അതേസമയം ക്രൗണ്‍മാര്‍ട്ട് ഇന്റെര്‍നാഷണല്‍ (ഇന്ത്യ) െ്രെപവറ്റ് ലിമിറ്റഡ് എന്ന പേരില്‍ ഒരു കമ്പനി നീരയ്ക്കുണ്ടെന്നത് നേരത്തെ തന്നെ പരസ്യമായ കാര്യമാണ്. പക്ഷേ ഇപ്പോഴാണ് ക്രൗണ് മാര്‍ട്ട് ഇന്റര്‌നാഷണല്‍ എന്ന പേരില്‍ തന്നെ ഒരു ഓഫ് ഷോര്‍ കമ്പനിയും നീരയുടെ പേരിലുണ്ടെന്ന് വെളിപ്പെടുന്നത്.
2ജി ഇടപാടില്‍ നീര റാഡിയക്ക് കിട്ടിയെന്ന് പറയപ്പെടുന്ന പണം വിദേശത്ത് നിക്ഷേപിച്ചിരുന്നതിന് തെളിവില്ലെന്നായിരുന്നു നീരാ റാഡിയയുടെ പണമിടപാടുകള്‍ അന്വേഷിച്ച ആദായനികുതി വകുപ്പിന്റെ കണ്ടെത്തല്‍.
നീരാ റാഡിയയെ കൂടാതെ കൊച്ചി ഐ.പി.എല്‍ കോഴ വിവാദത്തില്‍ ഉള്‍പ്പെട്ട റോസീ ബ്ലൂ എന്ന രത്‌നവ്യാപര ഗ്രൂപ്പിന്റെ പേരും പനാമയില്‍ നിക്ഷേപം നടത്തിയവരുടെ കൂട്ടത്തിലുണ്ടെന്നാണ് വിവരം. 24ഓളം വ്യാജ കമ്പനികളില്‍ ഇവര്‍ക്ക് ഓഹരികളുണ്ടെന്നാണ് ഇപ്പോള്‍ പുറത്തു വരുന്ന വാര്‍ത്ത

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha